كل اللي أكلته امبارح حرفياً ٣ فراولات مفيش غيرهم، ومن وقتها معدتي مكبوسة حاسة كإني أكلت خروف وبجد تعباني اوي :/
أنا أصلاً أكلتهم علشان كنت حاسة إني محتاجة جداً حاجة مسكرة مش علشان جعانة لإني من أول امبارح وأنا بطني تعباني جداً علشان في الشغل أكلوني ساندوتش وبعدها روحنا سينابون وأكلت نص واحدة علشان برده كنت هموت على حاجة مسكرة..
روحت البيت بقى وعينك ما تشوف إلا النور أسوء مرة رجعت فيها وكانت مؤلمة جداً ومن وقتها حاسة بطني مليانة كإن فيها صخر ووجعاني اوي ومليانة بصورة كابسة على نفسي وحاجة أستغفر الله العظيم.
مش عارفة وبعدين في موضوع الأكل ده. أنا مش فارق معايا موضوع إني خسيت جامد ده، العكس دي مصلحة حتى لو الموضوع زايد شويتين 😅 بس الفكرة إني كده بقالي شهرين ونص تقريباً مبيدخلش جسمي أي تغذية وخايفة يحصله إعياء أو الدنيا تبوظ جوه خصوصاً مع الأدوية اللي باخدها والعادات السيئة الأخرى من سهر وعياط وغيره. ربنا يستر.
