stella

Nawa'y magpatuloy sa mga susunod na oras. Magtitiwala ako sa iyo, Panginoon.

Sa pagpasok ko ng gusaling aking pinagtatrabahuan, narinig ko ang musikang paborito ko– musikang nagpapatahan sa akin noong ako ay nakararanas ng matinding pangamba at depresyon, at noong ako ay nakatingala sa mga bituin.

Panginoon,

Kamakailan lang sinabi ko sa iyong masaya ako sapagkat binigay mo sa amin ang mga bituin, dahil pansamantala nitong pinapagaan ang bigat na dala ko. Nagpasalamat din ako na nalikha ang musikang ito dahil pinapagaan din nito ang damdamin ko at pinapaalalang magiging okay rin ang lahat.

Alam kong nakita mo kung paano ako umiyak nang labis kaninang umaga; nasaksihan mo kung paano ipinaramdam ng lahat sa akin ang sakit at pag-iwan. Kahit mabigat ang dala ko'y pinilit kong magpatuloy, at iyon nga, sa pagpasok ko sa gusaling 'to pinarinig mo sa akin ang musikang 'yon. Hindi man kita nakikita at nakakausap, hindi mo ako iniwan, Panginoon. Patuloy mong pinapaalala sa aking magiging okay rin ang lahat. 💚💚

Bumuhos man muli ang luha ko'y hindi na iyon dahil sa sakit bagkus sa kasiyahan dahil alam kong kasama kita ngayong nahihirapan ako.

Sobrang tagal na palang hindi ko kayo napagmasdan. Palatandaan, na ang tagal kong nakalimutan ang kagaanang madadama ko kapag kapiling at kasama ko kayo. Ang tagal na pa lang nakalimutan ko ang aking sarili. Ang tagal na palang nakasunod lang ako't sumasabay sa ikot ng mundo. Wala na akong halos oras para sa sarili ko.

Ngayo'y tila pinagtugma ang bigat ng aking nadarama at inyong pagningning sa karimlan.

Pahuway.

Maraming salamat sa dulot ninyong kasiyahan at kagaanan. Ngayon ulit ako nakadama ng gan'to, nakahihinga na ako. Kahit paano, nabawasan ang bigat.

5:00 ng umaga, salamat at pinaaalala ninyo sa aking kasama ko kayo kahit sa karimlan, na may pag-asa pang magningning kahit panandalian tayong pinag-iniwan ng liwanag.

Maraming salamat at handa pa rin kayong samahan ako.

-

Panginoon, tunay na kayamanan ang handog mo sa akin. 🥹 Walang hanggang pasasalamat na kahit sa gan'tong paraan, sinasabi mo sa akin na magpahinga muna. Mahal kita ng sobra!

Maraming salamat, mula noon hanggang ngayon hindi mo ako pinabayaan. Nawa'y mawala na ang bigat, Panginoon. 🥹🙏🙏🙏