بص أو بصي أي أن كنت مين عشان أنا زهقت من الموضوع ده، حابب تغلط في حد أعمل كده بعيد عني أنا لا بحب الأسلوب ده ولا يفرق معايا اللي بتقوله عن الشخص لأنه حلو وحش لنفسه ولا أنا ناقصة ذنوب، وبعدين يعني معلش بدل ما أنت ماشي تنظر على خلق الله كده بص لنفسك الأول أكيد يعني أنت مش ملاك ولا أنا ولا أي حد، كلنا ذنوب وخطايا ولولا رحمة ربنا بينا وستره اللي مجملنا محدش هيطيق يبص في خلقة التاني. ويعني لو كل واحد ركز على نفسه وصلح منها بدل ما هو مركز في حياة الناس وحاشر نفسه في اللي مالوش فيه وماشي يتبع عوراتهم ويفضح فيهم ومفكر نفسه أنه كده واو وهو مقرف أصلا، كان بقى حالنا أحسن بكتير ولا كنّا شوفنا ولا سمعنا عن البلاوي اللي بتحصل حوالينا دلوقتي. ولو مش واصلك يعني أنت بشر عادي تافه ضعيف مالكش أي سلطة تحكم ولا تحاسب حد، فيه رب لو ناسي يعني، ف كفاية قرف بقى كفاية