بداخلي إنسان ميت تعفن وإنسان يصرخ من الألم وإنسان آخر يبحث عن معنى يحيى لأجله وخارجي شخص ثابت هاديء عادي يمارس روتين يومه كالأحياء.. أعتقد أنني تلك الجثة المتعفنة داخل قلبي.

حزينة أوي !! بس لا أنا جربت الحزن قبل كده واللي حاسة بيه مش حُزن ، ولا هو فقدان شغف إتجاة شيء ولا حتى لا مُبالاة إتجاه الدُنيا !! في الحقيقة مش عارفة مالي …. بس بقالي فترة بقاوم حاجة أكبر مني ، شعور مُظلم بيزيد كل يوم ، شيء بياكل النور اللي جوايا وبيسيب مكانه شيء يُشبه الفراغ ! جيت أوصفه إنه خواء بس الخواء ليه صدى وساعات بيجي منه تردد أنفاسنا لما بنكون لوحدنا ، بس اللي جوايا حاليا مش خواء، ده شيء ساكن فارغ من الهوا، لا فيه حس ولا روح ولا حتى صدى صوتي بسمعه ، شيء ميت مثلاً ! لا برضو مش ميت ولا هو حي أصلا ..

الإنسان مش بيدور على المعجزات بيدور على أمان يخليه يبطل يحارب طول الوقت.