Minsan may isang tao talaga na dadating sa buhay natin, yung taong magpaparamdam ng iba’t ibang emosyon sa atin; saya, kilig, lungkot, sakit, inis at galit. Yung dating maayos nating mundo, naging magulo. Yung dati nating tahimik na buhay, napuno ng ingay. Minsan, pagsisisihan natin kung bakit natin hinayaang magkaganon ang mga bagay bagay. Minsan magtatanong pa tayo kung bakit “ako pa?” na nagmahal lang naman ng totoo pero sa huli niloko lang din. Minsan itatanong din natin kung “kulang pa ba?” o “saan may mali?” at “bakit hindi na pwede?” Sa ngayon, walang eksaktong sagot. Kasi ang sigurado lang ngayon ay nasasaktan ka, naguguluhan at nahihirapan. Kasi ang sigurado lang ngayon ay gusto mo nang maghilom lahat ng sugat na binigay nya. Kasi ang sigurado lang ngayon ay gusto mo nang bumalik yung dating ikaw. Yung ikaw lang at walang sya. Yung ikaw lang at walang kayo. Gusto mong makalimot, yun ang sigurado. Pero hindi mo kaya, yun ang totoo.
Sa ngayon, malabo pa ang lahat, madalas mo pang sabihin na hindi mo kaya. May mga gabi na nakakatulog ka na lang dahil sa pag-iyak. At may mga umaga na nagigising ka na umiiyak. Madilim pa ang bukas para sa iyong paglimot. Malubak pa ang daan patungo sa paghilom. Oo nga masakit pero maniwala ka, kaya mo. Oo nga mahirap, pero magagawa mo.
Nalampasan mo na yan dati diba? Kakayanin mo ulit yan. Malakas ka alam ko. At proud ako sayo, dahil sa pagkakataong ito, pinili/pinipili mo ang sarili mo. Sa pagkakataong ito, natuto kang bumitaw, sumuko at mapagod para isalba ang mga piraso ng nawasak mong puso. Sa pagkakataong ito, pinili mong pansamantalang masaktan para tuluyang maging masaya. Cheer up okay? Darating ang araw, babalikan mo lahat ng ‘to at mapangingiti ka na lang at matatawa dahil marerealize mong ang emo mo pala. Pero higit sa lahat, matutuwa ka dahil ang akala mong hindi mo kayang gawin noon ay nagawa mo at ang sya pang dahilan kung bakit masaya ka ngayon.
kaledo-art
annaxmalina
izzy806
pixelskylines
germansingergirl
baratheonpilled
