noor نور

منذ أن دخلت قـلـبـي ..

قلبت كل حياتي ..

وسرقت اهتماماتي ..

وأصبحت كل ما أريده

فمّا ناس تجي في حياتك بكري برشة.. كيف عصافر الصّباح فيسع تطير و تمشي🐦 ..

و ناس تجي مخّر شوية كيف مسك اللّيل تفوّح حياتك أما ما تشدّ منها شيء..

فمّا ناس كالبخور تخلّي أنفاسها في كل تركينة من عمرك..

و ناس كيف الفاكية تقوّيك ..

و ناس كيف القهوة تحلّك عينيك ☕..

و ناس كيف بوكي النّوار تفرحك 💐🌹..

وناس كيف المنامة تتعدّى في عمرك لا تعرف إنت في حقيقة والا في حلمة..

أما فمّة ناس نتوحشوهم و نفتقدوهم و هوما بعاد..

و ناس قدّامك ما تراهمش👌..

و ناس كيف الغناية تزهّيك و توسعلك بالك 🎼..

هذي الدّنيا وهذي حياتنا 😊..

و في ها النّاس الكلّ.. فمّا شكون عمرو ما ينساك حتى كان إنت تغفل عليه👌.. وفمّا شكون ديما في بالك.. أما إنت آخر واحد يفكّر فيه ..

فمّا شكون يفضّي روحو ويوقّف أمورو ويجيك..

وفما شكون يقلّك نحبّك بالكلام أما لا يطل و لا يسأل عليك..

و فمّا إلي يبيع الدّنيا و يشريك♥️ ..

فمّا شكون يراعي و ياخو بالخاطر.. كيما فمّا شكون يخلّيك حائر..

فمّا ناس.. و فمّا ناس.. و فمّا ناس..

و إلّي قلبو باهي بلّي باش يصير معاه في الدّنيا هاذي..

ربّي ديما باش يخلّيلو ناس باهية يحبّوه دايرة بيه وواقفة معاه وسعدو إلي يجبر بخواطر الناس.منقول .