Kimsə sənin dalğalarla necə boğuşduğunu görmək istəməz. Gəmini limana gətirib-gətirmədiyini görmək istəyər

"elə anlar olur ki, bitməmiş belə darıxmağa başlayırsan"

Hər dəfə kimsə ad günündən videolar paylaşanda ən son keçirdiyim ad günüm yadıma düşür, pis oluram. Ciddi şəkildə travması qalıb

zaman keçdikcə səsli mesajları sevməməyə başlamışam

Kimsə mesajıma 355 saat sonra cavab verəndə, "indi işim var, baxacam" yazanda həyatdan o ki var soyuyuram. Çünki həmin emosiyalarım da soyuyur, vəziyyət də dəyişir

Nə qədər film izləsəm də, heç biri kitabı əvəz edə bilmir. Kitablar mənim üçün ayrı bir dünyadı

Mayın sonundan etibarən fasiləsiz imtahanlara hazırlaşdığım üçün özümü hələ də çox pis hiss edirəm. Niyə? Çünki universitetin verdiyi qərarlar məni və mənlə eyni psixologiyada olan tələbələri çökdürdü. Təsəvvür edin, 3cü imtahanı verəcəksən, amma ilk imtahanın cavabını hələ də bilmirsən. Dəhşətli deyil? Həmişə max 1 gün cavabları gözləyirdik, ya da eyni gündə nəticələri bilirdik. Nəysə, həm bu səbəblərdən, həm də mükəmməlliyyətçi olmağım məni son 2 ayda bitirdi. Normalda da imtahan sessiyası yorucu keçir, amma bu dəfə yeni qərarlar + daha çox "mükəmməlliyyətçi olma sindromum" məni yedi bitirdi. Əslində, bunda özümdə bir günah görmürəm. Uşaqlıqdan bəri "hər şeyin ən yaxşısını sən etməlisən", "hər şeyin ən yaxşısı sənin olmalıdı" ifadələri ilə böyüdüyüm üçün, şüuraltım məni bu şəkildə yönləndirir. Sadəcə bunun fərqində deyildim. Fərqində olmağımın isə nəyisə dəyişdirəcəyinə inanmıram. Belə ki, bir şeyin xəyalını qururam, onu şükür ki əldə də edirəm, ancaq yenə də əskik olan bir şeylər var. Sanki o pazlın parçalarını birləşdirib, son nəticəyə gələ bilmirəm. Elə bil ki, hər dəfə müəyyən parçaları itirirəm, onları axtaranda özüm də itirəm. Və son 15-20 gündür özümü, öz "mən"-mi tapa bilmirəm

Məktəbdə oxuduğum vaxtlar yayda hər axşam həyətdə oturub ulduzlara baxırdım, nələrinsə xəyalını qururdum. Nəyin xəyalını qururdum bilmirəm, amma o günlər üçün çox-çox darıxmışam. "Sabah nə edəcəm?", "hara gedir bunun axırı?", "bircə bu gün bitsəydi" demədiyim, qayğısız günlərim üçün lap çox darıxmışam

imtahana hazırlaşmaq bir dərd, imtahana girmək bir dərd, cavabları gözləmək ayrı bir dərd😭😭😭

Anne with an e serialını bitirməyimə son 1 bölüm qalıb. Bitirdikdən sonra böyük bir boşluğa düşəcəyimə o qədər əminəm kiiii