L N

‏فطري بأحساسي ولأني باصطناعي

‏عاطفي جداً .. وكلّي شاعريّة

بس عقبك ! والله انها في نظر عيني عظيمه

ودي أحطك وسط عيني وأغمض لا إرادي

من كثر خوفي عليك من الصواديف .. الأليمه

أعشقك .. وأغليك .. وأميّزك عن كل العبادي

ومستعد أعيش أنا وياك .. في رمله وخيمه

أنت الوطن لا ضاقت الدنيا بعيني وفادي

تبعثرت عقبك ما طرالك تجمعني

شقى واشتقيت وللمخاليق ما لمحت

قروك بعيونٍ للسهر منك تقلعني

وانا ان شكيتك لأقرب الناس وان وضحت

لقيت الاجابه منه لا غاب وش يعني؟

انا اكذب عليك ان قلت ياذا البعيد انزحت

ما توقف الدنيا على مفارق أنسان

إذا فقدت أنسان يسوى قبيلة

يجي بداله شخص يسوى له أوطان

ماني من اللي ذل نفسه يشيله

أنا العزيز اللي مكرمٍ ولا هان

وإن كانت يدك بالمواصل بخيلة

عسى دربك سفير ويا عسى اللّٰه ما يخليني

توكل لا توادع رح عسى درب الجفا المسهوج

يصادف درب فرقاً عقبها ما تلمحك عيني

سمحت من الهوى ومن القصيد ومن زراق الموج

ورميت اغلى مجاديف الغرام وجيت بيديني

ابغرق في عذابك لا رحلت ويصبح المنتوج

قصيد في حياتي سلوتي وان مت يرثيني

واذا هبن بنات الريح للذكرى بدون سروج

أبسرج مهرة النسيان وارحل من عناويني

وبنسى لين اسج وبرسل الونات فوج وفوج

وبنسى دمع عيني ينتثر وانساك من حيني

صبور أي والله اني ما ثنيت العزم قبل ادوج

بريضان الجفا واظما لوصلك لين تسقيني

شجاع اي والله اني ما عرفت الذل قبل اسوج

قدم رجلي على درب لبيت اهلك يوديني

كريم اي والله اني ما عرفت الشح قبل تروج

دموعي في عيوني ثم اشح بحسرتي فيني

احبك حسبي اللّٰه ليت مالك في سماي بروج

ولا لك في البسيطة كود شي بينك وبيني

دخيلك لا تلفت رح بفالك واترك المرجوج

تغانم ما بقى لك ولا انا ما عاد يمديني

فمان اللّٰه سق ركبك على درب السنين العوج

ودعتـك الله وتلقى واحـد ثانــي

أتعبت الاعيان والاقدام من شانـك

و انته ولا شي سويته على شـانــي

فزيتلك يوم قلت اسمـك و عنوانـك

لو كان ماتنتمي لاسمـي وعنواني

ماجيت أدورك والا اطـق بيبانـك

والا أترجاك مثـل فلان و فلاني

انت الذي جيتني واعلنـت بلسانك

انك على شوفتي جايع و عطشانــي

و صدقت هرجك و منطوقك من لسانك

و اقبلتلك مندفع من كل وجـدانـي

ماكنت أفكر يجي في يـوم نسيانـك

و انساك وأنته معاهـدنـي ما تنسانـي

الا بعد ماقريـت الكـذب فاعيانـك

قررت أوادعك وأنسى كل ماكانـي

خلاص ماني بمتعني على شانـك

‏والصعب لأهل الصعب تتسهّل دروبه

‏مدري على وين بمشي، لكن إيماني

‏أصدق من إيمان مُذنب مسّته توبة

‏ما طيّح الله هالدعوات بلساني

‏يغيب براحته خله يروح بعالم النسيان

‏كفاك تدور أعذار لغيابه فضها سيره

‏تماديت بغلاه ومن تمادى بالغلا خسران

‏أبد ما فيه بالدنيا بشر يستاهلك غيره ؟

‏يغيب ولا رجع ما كنك الا العاشق الولهان

‏انا ما أقول لا ما اقول منت بشايف خيره

‏ وانا ماني بقايل صاحبك وافي ولا خوان

‏يقولون القمر لا غاب يضويله على ديره

‏وانا اقول الحبيب ان غاب يضويله على خلان

‏اجل شأسباب هالغيبه ؟ وابي شأسباب تاخيره ؟

وأبي ليه الجفا يا قلب وانت بغيبته حيران

‏شهر واكثر ولا طرش عن غيابه معاذيره

‏يا ليته لو تعذر بالظروف ولايمه غلطان

‏تعبت ولا طرا له يتصل قل علها خيره

‏ وش انت متعب حالك مع واحد قليل احسان

‏يجي ميت وله لامن شكا وقته وتعزيره

‏ واذا قفا على وجهه حبيبك ناقه عريمان

‏اقول انه موالف له بشر خلاك تقزيره

‏ وأقول انك على هامش حياته ما بقى لك شان

‏مع الي ماله سبوق اتركه شف واحد غيره

‏وانا شوري عليك تلحقه في سبعة الشيطان

‏ذبحك الطيب يا قلب تعذب من مقاديره

‏ يا عن كنك خفوق ما تعرف النكران

‏تقاضََى لعنبوا جد الغلا ما تنفع الذيرة

‏ترى من لا تقاضى يا خفوقي هالزمن ينهان

حبيب ما صفا لك طع شوري بدل بغيره

فتحت باب الـسماء من دعوة أعـماقي

ولا أدري الخـير ويـن و ويـنها الخـيرة

‏وما للخلايق في قضا الرب حيله

‏أضحك لو هموم قلبك طوابير

‏وما يقسمه ربك تروح وتجي له

‏لو ضاقت الدنيا تراها مقادير

وش مطمعي ب غيرك و أنا كلي معك ؟

أحيان تاكلك " المظنة " بلا شعور

وأنت اللّذي تحكم فؤادي ب أصبعك

ما أخترتك من الناس يا وجه السرور

ل أجل أزعزع من ثباتك و أفزعك

لوّك تشوف آثار حبك ب الصدور

يا أمل دنياي في العمر وسنينه

أنت اغلى انسان في طيّة ملفي

وكل غالي فرق ما بينك وبينه

أنت مكفّي عن الكل وموفي

‏تبكي الجراح ما ودها

‏مشتاق ودي اصافحك