LIS \\ XRA \ NUN \\ SLA

.i .ui mi nelci .i do da’i nelci .i ca’e ro lo prenu ku du ma’a noi nelci … la’o lisxra. ONE PIECE .lisxra.

.i le pa prenu ku fi mi cpedu lo nu mi tavla fi la paspisas. noi lisri be lo blozeile’a … ti’e .i zo’o mi zo’u, lo la’o lis. One Piece .lis. blozeile’a ku (goi ko’a) simlu co nalbanzu basti lo jetnu blozeile’a .i .uasai zo’o tu’e: ko zgana! za’adai le nanla je ckabu noi cimni simlu bebgei je sa’u bebna! .i za’adai le cmamirlu je mikce noi, ri’a le cizra ku, mutce binxo gi’e remna tavla! .i za’adai da noi me ko’a me’u sidju *.i’anai* so’e lo prenu ku *.i’anAi* gi’e damba le palci je xasyjei *.i’ANAAAAAI* gi’e zukte lo drata je malxajmi .i mi te simlu fe lo ka rarna toldra .i pei.ie? .i pei.ii!? .i simsa la’o lis. Naruto .lis. lo ka cizra; .ibo 

ni’o .i va’o lo za’i .obu ba’e NA misrai le ponlisxra ku kei ku, .obu ja’a mi’otce .i se zasti le kartuna .e loi skina .e loi kelci .e loi taxfu .e loi vricylisri .e loi .y. sisisi … .i paunai xu, ki’u tu’a lo ka misno lu’u, banzu lo nu cuvysnada lo nu vecnu loi jmeja’i jo’u loi jimja’i!? .i paunai le mi selsnu ku ma? .i lo du’u na spaji lo du’u mi nelci .obu .imu’ibo pe’asai ba’e LE MUNJE ku nelci .obu!

ba’e no’i (.u’I) .i paunai ma pluka mi le jitfa blozeile’a lisri .i pamai, le se lisri ku jenca cniri’a ba’e gi’E caizdi .i remai, lo xarpre ku … jenca cniri’a gi’e caizdi .i ku’iru’e le notci ku zo’u, va’o .ua lo mu’e lo xamsku ku pevrivbi lo nu mi risna ja nelci ra kei ku, so’e lo xamsku ku ca’o vlipa .i vomai, lo vanbi ku se manci .i ji’a lo se vanbi ku tceci’i .i le munje pe .obu ku ganra je tcetceeebra, fi’o se tcila lo so’i daplu co dusycizra .e loi nalcu’itsapre, noi se cmima so’i le xarpre .i mumai, lo damba ku cinri ji’a … .ibo ku’i na ka’e mi trina lo ka carmi nu damba kei skicu ku po’o

.i .u’i mibynalzdicaufrigaudondji! .i semu’inai lo du’u mi cainei ku, mi na ba du’eski .i ku’i mi skudji tu’a da poi vajni li’a ku’o, noi di’e: .i se zmadu la roronoa.zoron. ji la sanji? .i le pamoi xarpre ku selsi’a ju crino bo se kerfa; .ibo pilno le ci balre .e le damba tadji noi bebna je klamburi se cmene; .ibo ze’e ca’e zy. ca’o crenzue; .ibo ze’e ca’e farcri co jenxajmi gradu .i le remoi xarpre ku tsali ju cinjikca bo malbebna; .ibo se xarci le te tikpa; .ibo bebna; .ibo bebna .i .y. pe’i na nandu! .i .iese’i .iese’i ja’a na nandu .i le traji ku la sanji! .i ro lo camselci’i be .obu ku tugni .ju’osai

.i pe'a la'o lis. Trigun .lis. turni = TRIGUN RULES

ni'o .i ty. pevturni, pei.ie? .i zo'o do na nitcu lo nu zenba lo ka djuno fi zo'e

...

sei...

pevycinmydenpa...

...

. . . . .

.i le'ocu'ibu'o, mi na dukse xarnu .i da'i krinu nitcu .i .y. ku'i, xu do ba'o zgana le cmene, pau? .i se smuni (pe'i) le ci celxa'i .i .u'e do xu na manci le cmene .i .ua do ba'e NA manci!? .i ba'e mi jinvi lo du'u zancinri

ni'o .i srana le sudga je cantu'a je vlile plini .e le prenu poi xabju ra .i srana lo nu damba .e lo nu litru (to mibypa'e! toi) .i zo'oru'e zo'o ba'e zo'o po'o srana le re cuvmlenau (to .iu .iuuu cinmo ralci nanlu noi mintu la'e zoi gy. *sensitive hunks* .gy. (zo'ocai!) toi) .i so'e lo prenu poi ba'o zgana la'o lisxra. Trigun .lisxra. .a la'o kartuna. Trigun .kartuna. (to jetnu .i ki'u lo du'u le kartuna ku mlifu'i (to milxe fukpi toi) le lisxra toi) ku'o pensi za'a lo du'u ty. tcexau je se manci .i pe'i ty. ... na xagrai .i le se lisri zo'u, cafne ke dukse masno fi'o jinvi mi, gi'e cafne ke milxe cfipu mi; .ibo se soryroi lo badri vrici bo lisri noi se srana ty. ku'o ku na mi cniri'a .i ku'i le vajrai se lisri be ty. be'o pevsra le zgana se lifri (to pe'a sarji toi)

ni'o .i va'o lo nu do menctidji ty. ku, mi midju nelti'i lo nu mencti le kartuna pu lo nu mencti le lisxra .isemu'ibo ba'e MI nunfrinei .i ji'a va'o lo za'i lo celxa'inunda'a joi lo xamselsku joi lo so'e betri ku do pluka lo lisri tcini ku ku, do .ia ba nelci la'o lis. Trigin .lis.

TU'A LO VRICI JE CMALU ...

ca le bi'unai nalgundei, le bruna ku menctidji la'o lis. Digimon Tamers .lis. noi ponjo kartuna; .ibo mi jo'u by. kansi'u .i mi manci le du'u nandu mi fa lo nu junri mencti kei ku fi le za'i lo kartuna pixra cretro ku ... na mutce xamgu

SE DARCA TU'A LO XLALI .II ZO'O ...

.i lo cumki je lakne zo'u, do se slabu lo skicu be lo ponjo lisxra noi mabla ba'e pevculno lo cizra gletu .a lo cizra xadni .a sa'u lo cizra .i li'a se zasti lo dukse sampu sidbo; .ibo ji'a se zasti da poi pevsarji so'e le duksapsi'o

ni'o .i puzikiku, le mi bruna ku jo'u mi kansi'u le nu tcidu lo xlali misno lisri .i le bruna ku birti lo du'u la'e la'o lis. Kodomo no Jikan .lis. curve bo xlali je se ckeji bebna .i semu'inai lo du'u mi na ba'o tcidu le lisxra krasi kei ku, le bruna ku birti lo du'u mi na nitcu lo nu mi mulno tcidu kei ku lo nu mi jimpe fi le ka xlali

ni'o .i la'e la'o lis. Kodomo no Jikan .lis. (no'u sa'u ky.) na pevcladu je mutce bo mutce bo selrigni naldarsi .i ku'i ...sei denpa... le se lisri ku krasi lo nabmi .i se zasti le ninmu no'u la rin. .i la rin. nelci le ctuca be ra .i la rin. nelci co ba'e dukse le ctuca be ra .i xu do jimpe tu'a le mi smuni .i je'epei .i ca le krasi ku ry. se nilnalci'o li ba .i sa'ei zoi oi. yyyyyyyyyyyyg .oi

ni'o .i fi'o krasi tu'a lo se lisri .y. poi kakne ju'o .ue lo ka cinri va'o lo nu lo nu lisri cusku ku certu lu'u, ky. na mi se sinma

.u'asai! ki'e doi le mi bruna! la'o lis. Detroit Metal City .lis. na traji lo ka se manci .i ku'i so'eroi bebna xajmi .i mi dy. by. cpacu puzi le nunsla .i cnijicla mi

.I LO PONLISXRA KU MO? .I LA TAUN. NELCI MA POI PONLISXRA?

ni'o .i le vlavelcki be lu "ponlisxra" li'u be'o sajra'a .i ku'i le valsi - noi sorbangu panra zoi vla. manga .vla. ku'o ku - simlu lo ka vajni ki'unai le ka smuvrici .i lo ba'e mi sampu tcini zo'u, lo ponlisxra ku lisxra noi se finti bu'u le pongu'o

ni'o .i mi milxe ja mutce se slabu le so'i larkle (to lo so'i larcu klesi, noi bangu panra zoi gy. genre .gy. toi) be le lisxra .i cnita ti se zvati lo jufra noi drani - ca'esai - se tcila ru

.i ti kibykarni gi'e srana lo lisxra gi'e ba'e mutce srana lo ponjo lisxra

ni'o .i ti se pevzvati lo nu nelci ja ckasu lo lisri poi mi - no'u la taun. - ba'o tcidu

ni'o .i va'o lo nu do na se slabu lo ponlisxra kei ku, ko na xanka! .i a'o le kibykarni ku pluka fi lo narslabu ji'a tcini

ni'o .i ta'o, tu'e: la lisxranunsla ku citsi (to mi ba'e nau jinvi toi) .i la'e di'u ku nibli lo nu mi na ningau le kibykarni ku ca so'a lo temci .i ku'i ko kanpe tu'a lo ba'e so'e cnino se karni ca le dunra ca'e! (to mi djuno lo du'u na dunra fi so'i lo selzva toi)