leisi gedanke

Nächi isch mängisch

Du bisch cho wie en Wind, wo i i mim Läbe nöd gmerkt ha, bis er mi verla het.

I ha nüt gsuecht, nüt gwollt – und doch bisch du langsam meh worde.

Schritt für Schritt. Still...

Und i ha gmerkt, wie gern i di ha.

Und jetzt, wo du nüm meh do bisch, bliibt öppis zrugg, wo i nöd ganz verstah.

Kei Streit. Kei Wort. Eifach liis.

i bi vil Jahr vo mir devo gloffe bi immer wiiter zoge – und ha mi immer mitgnoh

I sitz do… und i weiss eigentli alles. I weiss, i söll nöd meh drüber nachdenke. I weiss, i chann nüt ändere. I weiss, i söll’s la sii.

Und trotzdem laht mi min Chopf nöd los. I gah alles dure. Immer wieder. Blicke - Worte - Momänt

Und i merk… i suech öppis, wo i nöd finde cha.

Das Ghosting… eifach still - eifach kei Wort meh.

Es zieht. Ganz liis, aber tief.

So tief, dass es weh macht im Körper.

Mis Härz will rede, will versteh

Wenn i acho, denn weiss i: das isch dihei.

Wenn mir falsch rede, mache mir unsichtbar.

I ha mi zeigt und i bi ghalte worde

Sie het mi gseh nöd nur aagluegt

und öppis i mir isch ruhig worde

liis… achtsam…