La Fantomo en Dobbs-ManΔejo The Ghost in Dobbs Diner in Esperanto
La Fantomo en Dobbs-ManΔejo
Sinjoro Dobbs prizorgis la manΔejon Δe la angulo apud la Εoseo. Δiam estis tre okupata.
Sinjoro Dobbs tiom laboris, ke li neniam havis tempon por sidiΔi. Li devis helpi la kelnerhelpanton.
Li devis helpi la kelnerinon. Li devis helpi la kuiriston.
Iun tagon, Δuste meze de la tagmanΔo, la kuiristo elΔerpigis piklojn. βVolapukaΔ΅oj!β diris la kuiristo. Kaj li petis pli de sinjoro Dobbs.
Δe la malantaΕo de la Εranko, sinjoro Dobbs trovis malnovan polvokovritan verdan botelon. Li pensis, ke Δi estas pikla kruΔo. Li malΕraΕbis la kovrilon.
El la kruΔo kirliΔis torda nubo de blanka fumo. Δi ΔirkaΕflugis dum minuto, poste sin prezentis.
βSamuel Sheets, fantomo kaj mondvojaΔanto,β Δi diris. Mi Δojas ekkoni vin.β
"Ho mia!β estis Δio, kion sinjoro Dobbs povis diri.
Kiam Samuel Sheets vidis, ke li estas en Dobbs Diner, li estis tre feliΔa. Li Δiam volis labori en manΔejo. Li tuj komencis. Li viΕis la plankojn por la kelnerhelpanto.
Li Helpis la kelnerinon
kun Εiaj pezaj pletoj.
Li eΔ helpis la kuiriston fari supon.
BaldaΕ Δiuj en Dobbs Diner kaΕis sin.
βNi ne laboras en manΔejo kun fantomo!β
kriis la kelnerhelpanto, la kelnerino kaj la kuiristino.
βEnboteligu lin denove!β
Sinjoro Dobbs ne farus tion. Li Εatis Samuel Sheets.
βKiam vi ekkonos lin, vi ankaΕ Εatos lin.
Li eΔ povas kuiri,β diris sinjoro Dobbs Sed neniu aΕskultis.
βNi rezignas!β ili kriis.
Samuel Sheets estis tre vundita. Li volis reenΕovi sin en sia botelo.
βNe estu stulta. Ni devas prepari vespermanΔon,β diris sinjoro Dobbs. Kaj li Εuis Samuel Sheets en la kuirejon.
Sed kiam la vespermanΔo estis preta, neniu venis.
La kelnerhelpanto, la kelnerino kaj la kuiristo kuris rekte al la Urbestro. Ili rakontis al li pri la fantomo en Dobbs Diner.
La Urbestro estis tre Δagrenita.
βMi vokos la policon!β li diris.
βNi devas forigi tiun aferon!β
Sinjoro Dobbs estis fermonta por la nokto, kiam la Urbestro kaj tri policanoj kuris tra la pordo.
βKie estas tiu terura, timiga fantomo?β kriis la Urbestro.
Sinjoro Dobbs provis klarigi, ke la fantomo ne estas terura aΕ timiga. Sed, denove, neniu aΕskultis. Aferoj aspektis malbone por Samuel Sheets.
Tiam sinjoro Dobbs havis ideon. Li sciis, ke la Urbestro amas bonan manΔaΔ΅on.
Do li proponis al la Urbestro la vespermanΔon, kiun kuiris Samuel Sheets. Sed li ne diris al la Urbestro kiu estas la kuiristo.
La Urbestro manΔis Δion sur sia telero.
βTio estis la plej bona manΔo, kiun mi iam havis,β
li diris feliΔe.
βMi devas renkonti la kuiriston.β
Sinjoro Dobbs estis feliΔa alporti sian novan helpanton.
βHO!β kriis la Urbestro.
Kaj Δuste kiel sinjoro Dobbs esperis, la urbestro ne povis decidi sin enboteligi tiel bonan kuiriston. AnstataΕe, li amikiΔis Samuel Sheets.
BaldaΕ, Dobbs Diner estis pli okupata ol iam ajn. La kelnerhelpanto, la kelnerino kaj la kuiristo eksciis, ke labori kun fantomo povas esti tre amuza.
Kaj sinjoro Dobbs finfine havis tempon por sidiΔi.
