Khayala's blog

Mənə bir mahnı oxuya bilərsən? Mahnı dinləməyi çox sevirəm. Amma...dodaqların mırıldanmalı...Qışqırmadan...

Saçlarımla oynaya bilərsən? Ya da...ya da bir az əzizləsən də olar...Qayğıya ehtiyacim var bugun :)

Kim olduğun önəmli deyil...

Bir az məni dinləyə bilərsən?

Çox yorğunam...Özümdən...Həyatdan...

Düşünməkdən yorğunam....

Əllərimi tuta bilərsən?

Əllərim çox üşüyür...

Məni çox sevə bilərsənmi? 

Məni mən olduğum üçün qəbul edə bilərsənmi?

Yalnızlıq ətrafında səni sevən, səninlə maraqlanan, sənə dəğər verən insanların varolmaması değil... Çoxluca insanin içində səni gərçəktən anlayan, dərdinin nə olduğunu soruşan birinin olmaması və ya soruşmaqlarını belə istəmədiyin andır. İlk başlarda bu duyğudan canını qurtarmaq istəyirsən, çıxıb çölə qarşına çıxan ilk tanışınla çay içib bu duyğunu paylaşmaq istəyirsən. 

Sonra....

Yalnızlıq adamı eqolaşdırır. Yalnızlığına elə öyrəşirsən ki, onu heç kimlə paylaşmaq istəmirsən...

Yalnızlıq sevgidən də güclüdür. Yalnızlıq gedən insanların sənin üçün buraxdığı bir "miras"dır. Bəzən yalnızlıq xöşbəxtlik, bəzən səni yeyib bitirən bir hissdir...Yalnızlıq azadlıqdır...

Yalnızlıq bəzən hamıdan uzaqlara çəkilib bir evdə yalnızlığına bir az da yalnızlıq qatmaqdır :)

Yalnızlıq bəzən diş ağrısı kimidir...Ağrısı gecə başlar...

Yalnızlıq tapmadığın sevgini başqa yerlərdə axtarmaq kimidir...

İstanbul mənim uşaqlıq arzularımdan idi. Həmişə arzu etmişdim ki, həyatımın ən azı 1 ayını burda yaşayım. Getməmişdən öncə özümə xüsusi bir plan hazırlamışdım.

Əvvala  onu qeyd edim ki, İstanbul müasirliklə dini və tarixi elementleri özündə birləşdirir. Qədim memarlıq, çoxlu qədim məscidlər, azan səsi və qara hicablı dindar qadınların fonunda müasir infrasturkturu, yüksək mədəniyyəti və qaynar gecə həyatı olan şəhər....

Taksim meydanı

İstanbulun Beyoğlu hissəsində yer alır və İstanbulun ən məşhur meydanlarından biridir. Taksim meydanı əğlənmək, gecə həyatı və alış veriş mərkəzidir. Taksimdə həmişə qaynaşma var. Xüsusəndə həftə sonları 24 saat hərəkət var. Burada itirdiyiniz, görmək istədiyiniz bütün millətinin adamlarını tapmaq mümkündür. Meydanın başlanğıcından Tünələ qədər "nostaljik tramvay" çalışır. Meydanın başından ayağına qədər müxtəlif janrda çalan küçə musiqiçilərinə rast gəlmək olar.

Meydanın İstiklal caddəsi hissəsində "İnci" pastanesi var ki, 100 ildən bəri İstanbulun ən məşhur profiterolu hazırlanıb satılır. 

Galata Kulesi

Karaköyün Galata səmtində yerləşən Galata kulesi yerdən 70 kilometr məsafədədir.  İstanbulu hündürdən izləmək şansı verir. 

Ortaköy və kumpir keyfi

İstanbulun ən çox sevilən və kumpiri olan məşhur olan hissəsidir. Ortaköy deyiləndə ağıla ilk gələn kumpir və waffli"dir. 

Və əlbəttə Boğaziçi körpüsünü ən yaxın ordan seyr etmək mümkündür.

Bir başqadır Üsküdarda günbatımı

Yolunuzu mütləq Üsküdara salıb günbatımını və Kız Kulesini "incə belli" bardaqda acı türk çayı içə - içə izləməyin keyfi başqadır.

Gülhanə parkı

Türkiyənin ən qədim parklarından sayılır. Meşə, dəniz və boğaz... Parkı gəzib dolaşdıqdan sonra parkın sonundakı çay bağçasında dənizi və boğazı seyr edə edə çay keyfi...

Sarayburnu, Topkapı sarayı və çizme kapısı arasında yerləşir. Gülhanə adlandırılmasının da səbəbi içində Topkapı sarayının gül bağçasının burada yerləşməsidir.

Sultan Ahmet, Aya Sofia camisi, Dolmabahçe sarayı, Topkapı, Yerəbatan Sarnıcı

Sultan Ahmet camisindən başqa digərlərinə giriş ödənişlidir. Sultan Ahmet Camisində turistlərlə birgə ibadət üçün gələn adamları da görmək olar. Yerəbatan Sarnıcına giriş 10 TL, digərlərinə giriş isə 30-35 TL-dir. Mənim üçün ən qeyri - adi və maraqlı olan Yerəbatan Sarnıcı idi.

Mısır çarşısı və Kapalı Çarşı

Mısır çarşısı cürbəcür çayların, ədviyyatların, şirniyyatların, suvinerləri ilə məşhurdur. 

Kapalı çarşısı qədim çarşıların necə olduğunu görmək üçün gözəl məkandır. Alış- veriş üçün çox bahadır.

Prens adaları - Büyük ada

"Zəngin olub burdan bir ev almaq lazım" - dedirtdirən məkan

İstanbulun qaynar həyatından bezdinizsə adalara səyahət etmək gözəl fikirdir. Büyük adanın sehri bir başqadır. Qədim türk kinolarındakı kimi taxta evlər, nəqliyyət əvəzinə velosiped və at arabaları, qağayaların səsi... Sevgilinizlə hamıdan qaçıb gizlənmək üçün əla məkandır ;)

p.s. "Bal ayı" üçün yer axtarırsınızsa və türk mədəniyyətinin vurğunusunuzsa heç düşünmədən qaçın ora :)

Boğaz turu

Dənizə aşıq olan biri üçün vaz keçilməz əyləncədir. Məncə İstanbulun turistlər tərəfindən "fəthi" bunla başlayıb elə bu turların biriylə də bitməlidir. Tura Beşiktaşdan və ya Karaköydən çıxa bilərsiniz. Uzun və qısa turlar var. Qiymətlər də buna uyğun olaraq dəyişir.

"Küçə" yeməkləri

İstanbul mətbəxi çox zəngin və rəngarəngdir. Bunu görmək üçün sadəcə səhər kahvaltısı etmək kifayətdir. Restoran və kafelərdən başqa küçələrdə demək olar hər addım başı qarğıdalı, qovrulmuş şabalıd, simit, midya dolması, balık-ekmek, müxtəlif təzə şirələr satılır.

Türk mantısı

İskender

Bunlardan başqa Eyyup mescidi tərəflərə də baş çəkməyi unutmaq olmaz. Çalı Kuşu filmini izləmisinizsə özünüzü ora səyahət etmiş kimi hiss edəcəksiniz. Burda yerləşən Teleferiklə Pierra Loti"yə çıxıb İstanbulu hündürdən seyr etməyin başqa ləzzəti olmalı...

p.s. yaxşı olar ki, ora səfərinizi həftə içinə salasınız. Yoxsa mənim kimi ürəyinizdə qala bilər. 

Kadıköydə çərşənbə axşamı və cümə günləri "Salı" çarşısı olur ki, alış-veriş həvəskarları üçün maraqlı ola bilər. Bura gələndı Moda deyilən yerə də baş çəkib alış veriş yorğunluğunuzu bir stəkan çayla ala bilərsiniz.

Dəniz heyvanlarını sevirsinizsə yolunuzu Forum İstanbul"dan salın. Burada Turkuazoo Akvariuma baş çəkin. 

Tiflisə səfər etmək fikriniz varsa mütləq planlarınız arasına Mtsxetanı da əlavə edin. Mtsxeta Gürcüstanın şərqində - Tbilisidən 20 km uzaqlıqda yerləşir. Burda məni ən çox cəlb edən və heyrətə gətirən şeylər insanların gülərüz və şəhərin çox təmiz olması idi. Demək olar ki, yaxınlaşdığımız gənclərin çoxsu ingiliscə bilir və öz şəhərləri haqda yetərincə məlumatlı idilər.  Şəhər çox kiçik olduğu üçün şəhəri piyada gəzmək mümkündür və ya turistlərin istifadəsi üçün at arabalar və retro stilli avtomobillər var :) Turizm İnformasiya Mərkəzi şəhərin mərkəzində yerləşir. İstədiyiniz məlumatı və şəhərciyin xəritəsini də ordan pulsuz əldə edə bilərsiniz.

P.S. Bu səfər mənə cəmi   5 lariyə (2,5 AZN) başa gəldi :) Minibusla (Didube metro stansiyasından )gediş 1 lari (50 qəpik); yemək 4 lari (2 manat); Mtsxetadan Tbilisiyə isə avto - stopla qayıtdıq :)

Bəli, bugün canım, herşəyim, bidənəm, gözümün nuru, ən yaxşı dostum, sirdaşım, dəstəkçim, bərabər gülüb əyləndiyim, mənim üçün tayı bərabəri olmayan qadın - anamın doğum günüdür!  

Üzüntülü və sevincli anlarımda hər an yanımda olan və məni  bir an olsun tək buraxmayan mələyim,  

Özümü bəlkə ən dəyərsiz hiss etdiyim anlarda belə mənə dəstək olub, üzümə gülüməsəyib öz isti ürəyinlə onun üçün nə qədər dəğərli olduğumu hiss etdirən mələyim,

Mövzu sən olanda sözlər o qədər kifayətsizdir ki....

Yaxşı ki dünyaya gəldin, yaxşı ki varsan!

Həmişə demişəm, həmişə deyəcəm: Sənin kimi anam olduğum üçün çox şanslıyam. 

Hər yerdə, hər vəziyyətdə ağlaya bilərik :)

Siqaretdən saralmış bığlarımız olmur :)

Kosmetik vasitələrədən sona qədər istifadə edə bilirik :)

İlk addımı atmaq məcburiyyətində deyilik. P.S.istisnalar olur :P

Sünnət olmuruq :)

İş seçimində "evdar qadın" deyilən bir seçimimiz də var :)

Yaşımız neçə olsa da əlimizdə şar apara bilərik :)

Hər səhər üz qırxmaq məcburiyyətində deyilik

Hər yaşda saçımıza rəng qoya bilirik.

Qışqıra bilirik. Sevinəndə, üzüləndə və qorxduqda...

Əsgərə getmirik.

Analıq hissi... Bu çox fərqli hissdir :) Uşağınızın ilk "təpiy"ini belə biz hiss edirik :)

Sevgilimizə, qardaşımıza və ya atamıza aid hər hansı köynəyi, sviteri geyinə bilərik :)

Bir gün öncə çıxardığımız corabları heç kimdən soruşmadan, evi altına üstünə gətirmədən tapa bilərik.

Özəl günləri "barmağımıza qırmızı sap bağlamadan da" xatırlaya bilərik :)

Mütləq hesab ödəməlisən deyə bir qayda da bizim üçün yoxdur :P

Üzüntümüz bir cüt ayaqqabı almaqla keçə bilər :)

Avtobusda, metroda ayaq üstə durma faizi çox aşağıdır bizim üçün 

Keçəl olmaq qorxusu yaşamırıq :)

Uşaqlıq albomumuz arasında arxası üstə uzanmış şəklimiz yoxdur :P

Fiziki güc iddiamız da yoxdur

Xarab olmuş hər hansı cihazı istifadə olunmayacaq durumuna gətirmədən usta çağırırıq :)

Əsrarəngiz boyunbağımız tüklərin arasında itməz :P

Ayaqlarımız iylənmir :D

Qırmızı işıqda yanımızdakı maşının bizdən qabağa keçməsi bizim üçün heç bir məna kəsb etməz.

Maşının təkərini dəyişdirməyi bilmək məcburiyyətində deyilik.

I have always loved Spring! I love the fabulous smell in the air. I love the fact that the grass and trees finally turn green again. I love taking long walks and watching all the wildlife coming out of their winter hiding places. I love the bluer than blue skies.  I love opening the windows and letting in clean, fresh air. I love getting out the clothes I haven't seen since October. I love the feeling of rebirth! 

All the situations in our lives, from the insignificant to the major, teach us exactly what we need to be learning. The people and situations we encounter every day have much to teach us when we are open to receiving their wisdom.

Bu gün sevginin rəsmini sözlərlə təsvir etmək üçün ən uğurlu gündür :)

Sevgi sevənlər üçün həyatın gülümsəyən üzüdür. Yaşamaq səbəbi, bütün xöşbəxtliyin səbəbi, həyatın ən gözəl günləridir. Sevənlərin unutmadığı ən gözəl qadın və ya kişidir sevgi :)Xəyal qurmaqdır yuxusuz gecələrdə :) Dəniz kənarında əl-ələ gəzmək, gülməkdir səbəbsizcə :) 

Sevgi fərqlilikdir.

Sevgi dəyişə bilmək və ya dəyişdirməməkdir sevdiyin insanı :)

Sevgi həyatı film kimi yaşamaqdır. Sevgi özünü "prens" və ya "prenses" kimi hiss etməkdir. 

Sevgi "cənnət"i axtararkən cəhənnəm oduyla yanmaqdır. Bir az utancaq, bir az kövrək, bir az üzülməkdir. 

Sevgi bəzən bir xəyaldır. Bəzən xəyal qırıqlığıdır. 

Sevgi səhər qulağına gözəl sözlər söyləyərək oyanmaqdır :)

Sevgi yer üzündə heç söylənilməmiş sözləri söyləməkdir :) Sevgi heç kəsin izah etmədiyi kimi izah edə bilməkdir sevgini.

Sevgi dünyada nümunəsi olmayan xöşbəxtliyi yaşaya bilməkdir.

Sevgi yaşanmış bütün sevgilərin cəmidir. Yaşanan hər sevgidən, münasibətdən gözəl tərəfləri götürüb özündə saxlaya bilməkdir. Sevgi yeni bir başlanğıc, yeni bir sondur.

Sevgi gözləməkdir. Səssizcə və səbrlə gözləmək. Sevgi illərlə saxlanan şərabın bir udumluq dadıdı...

Sevgi yaşadığın hər an yenidən aşiq olmaqdır :)

Sevgi kölgə kimi hər anı birgə yaşamaqdır. Hər anı sonmuş kimi yaşamaqdır sevgi.

Sevgi baxışların içinə sevginin şəklini çəkə bilməkdir. 

Sevgi yaşanan hər anı gözəlləşdirə bilməkdir. Sevgi yaşananlar və qalan izlərdir...

Sevgi hər gün anamın sms ilə oyanmaqdır :)