بقيت أشوف ان تمبلر هو المكان الوحيد المتبقي الي كلنا بنشارك الي بيدور في راسنا بحريه ، و الحاجه المشتركه بين معظمنا هي أننا بن struggle.

ولكن بنحاول حتي لو حد قال انه فقد الأمل بعد ما كتب البوست هيكمل حياته و هيحاول يواجه المشكله الي عنده او يتعلم ازاي يعيش معاها .

أنا شايف هنا ناس و علي مدار سنين بيمروا بظروف و مشاكل و قدر كبير من الحزن ، بس هتلاقيه نزل بوست انه نزل و قعد في الشمس و لعب مع قطط و شال بيبي و حس انه احسن شويه صغيرين و ده كويس .

في ناس ماتت بس هنا اتكتب آخر الأفكار الي طلعت من دماغهم ، في ناس بتتحسن ، في ناس بتنتكس بس تعرف ايه المشترك ؟ كل ده حقيقي ! حقيقي بجد .

نادر لما تلاقي حد بيبفليكس هنا فلوسه او عربياته او بيته او بيسافر فين ، أكاد اجزم ان متوسطنا يا شباب و بنات متعلمين كويس و شغالين كويس او ناس لسه طلاب معندهمش الفرص لسه و ده حاجه كويسه جدا و مش موجوده في مكان زي الفيسبوك مثلا .

Tumblr is the last safe haven ***

أنا لو عملت حاجه حلوه و نجاح مبسوط بيه مش هشاركه مع حد في الدنيا و اكيد مش علي الفيس او الانستجرام ، هقدر أنزله هنا ! و جيس وات في ناس هتفرحلي فعلا ، في ناس هتدعيلي فعلا لو طلبت منهم ، لو احتاجت مساعده يمكن ألاقي حد بيساعد او يعرف حد يقدر .

المشكله هنا هي انك كل ما تتخنق تيجي هنا و ترجع حزن و سلبيه بس و تيجي تدخل علي بروفايلك مش هتلاقي غير حزن بترجعه من ٢٠١٨ و تفتكر ان هي دي الحياه او هي دي حياتك خلاص ، لا يا صحبي ده مصطلح اسمه Rumination .

و الترجمه : the act of endlessly repeating negative thoughts, worries, or past scenarios in your mind without finding a solution. It traps the brain in an unproductive loop, often worsening anxiety, stress, and depression.

ولكن الحياه فيها الوان حتي لو أنا مروان مش شايفها دلواتي بس هي موجوده ، و ده بينطبق هنا برضوا .

تبغى تخرج للعالم تبى تصير عالمي

انا ابغى العالم يخرج ويجي لعالمي..