Things you won't bother to read

06 July 2026

Down yung sikat na website na pinag dadownloadan ko ng pdf. Trending tuloy sya sa twitter kaninang umaga. Pero ngayong gabi may nakita akong under maintenance na lang daw. Sana naman. Kasi kung kailan naaadik na ulit akong magbasa, saka naman magdadown yung pinag dadownloadan ko kaloka

Late na ako nakapasok today, like super duper late. 11am to be exact. Nag habal na lang ako galing sa palengke para hindi na ako abutin ng anong oras. Late na din kasi talaga ako umalis ng bahay kasi inasikaso ko pa yung sa isang metro namin ng tubig na hindi na lang tumutulo kundi natagas na. Eh ang lakas ng ikot sa metro, kawawa naman yung boarder na apektado kasi sa kanila masisingil 'yon. So inabisuhan namin sila na isasarado muna then pag gagamitin na lang nila buksan. Kesa naman yung hindi nila ginagamit pero umiikot yung metro. Sabi ng nakausap ko sa Manila Water, pupuntahan daw ngayong araw, namuti na lang ang uwak pero wala namang dumating. Tawagan na lang ylit namin bukas.

May pumunta din sa bahay kanina nagtatanong dun sa umalis naming boarder. Kaloka next time ko na 'to ikulwento.

Sobrang lakas ng ulan tapos ang weird kasi mga 5pm na kanina pero ang liwanag pa din. Kahit nga yung 6pm, ang liwanag pa din. Eh diba tapos na summer? Or dahil 'to sa clinate change. And ayun nga, nakaantabay ako sa Windy app regarding sa bagyo kasi ang lakas talaga nya nakakaloka. Kailangan kong magdala ng kapote sa Wednesday kasi baka ulanin ako pagpunta ko ng site inspection. Ako papauntahin ni Sir, eh kung tutuusin ayaw ko sana kasi nakakapagod ang byahe. Pero dahil ang bossing na ang nag volunteer sa akin, okay sige ng makapag emote ako sa bus byahe papunta site charot hahahaha

Nag follow up pala ako kanina sa isang stakeholder. Ante parang galit pa sya talaga. Apparently bawal mag follow up kapag one week pa lang nakakalipas lol so anong trabaho nyo? Hindi naman porket nag follow up need na agad ninyong sagutin, which is ayun naman talaga dapat. Pero reminder lang aba. Wala naman siguro masamang mag remind paminsan-minsan. Like kapag nag remind, tatanungin bakit nag remind, kapag hindi ka nag remind, tatanungin bakit HINDI ka nag remind. Choose your fighter mga teh. Kahit yung boss ko sabi after 2 weeks na daw ako mag remind. Sige Ma'am sabi mo yan ah. Wag mo akong aaligagain na bakit hindi ako nag follow up email. Minsan nakakaloka talaga na ginagawa mo lang naman yung work mo pero mali pa din hahahahaha

Nung mga 7pm, nag videocall ang mga bff sa GC. Buti na lang nag notify sa akin yung videocall kasi naka silent yung notif nung messenger ko hahaha hindi ako na nonotify ng message not unless iopen ko yung app kasi ugali ko talaga na ayaw kong makakita ng number na notif sa mga apps ko, kailangan ko talaga syang iopen hahaha

Mga 9pm na kami natapos mag videocall kasi nakauwi na si Best CM. Si Brother CJ nasa Siargao daw #SanaAll Si Best SM mag pipilates na, anothr #SanaAll and si Sis AO ay nagluluto ng dinner nila. Buti na lang bumili na ako ng dinner kasi alam kong gagabihin talaga ako. Hindi ako naka order ng meal plan na pang Monday kasi yung cut off pala ay around 8pm akala ko 10pm hahahaha anyways bukas meron naman na akong meal plan kaya keribels

Hindi ko lang sya makakain sa Wednesday kasi maaga akong aalis gawa ng 3-4 hours yung byahe ko papuntang site. Sana lang talaga hindi malakas yung ulan kasi alam ko sa Wednesday mas lalapit yung bagyo sa pinas. Praying for everyone's safety lalo na yung mga probinsya nating nasa East side.

Nag scooter ako papuntang Market as usual and thank God nakarating bago mag 10mins although medyo buzzer beater din.

Nasa bahay lang ako buong araw at nagpapahinga. Kailangan ko na talagang mag exercise ulit inaayos ko lang yung budget ko. Bakit ba kasi ang mahal mag Pilates eh hays. Keri din naman sana sa ibang studio pero wala kasi akong sasakyan para makapag book gamit yung classpass kaya mag bubook na lang ako sa mismong site.

May tinry akong bago panuorin sa Netflix, yung Love Lab. Girst meeting nila isa sa kama ng hotel room nila, bare faced. Kasi nga naman iba ang conversations kapag in comfortable settings ka. Pero naloloka ako dun sa lalaki kasi borderline red flag na. Like ang bilis bilis ng pacing nya tapos ang lala mag love bomb. I mean, ganun ba talaga mga lalaki kapag alam nilang ilang araw lang nilang makakasama yung girl. Tapos sabi pa nya, hindi pa kasi daw nya naiisip yung future, aka pag wala na sila sa show lol ayan tayo eh. Kung ako yung babae, hindi ko na magugustuhan yung guy kasi nga red flag na agad yon. Because what do you mean pang show lang 'to lahat ng ginagawa mo hahahaha a wise man once said, "Don't do something you cannot maintain." I'd rather have someone na walang ginawa or sinabi, kesa yung ang daming actions na ginawa or sinabi tapos hindi naman pinanindigan sa huli. Nasakin na yun kung mag aassume ako, pero siguro in that setting, okay lang mag assume kasi nga ganun yung purpose nung show eh. Isang couple pa lang naman pero kung ganito din mahiging behavior nung mga susunod, for sure pag alam nilang for show lang, ganito din magiging behavior nila lol

03 July 2026

Mas masarap yung breakfast ngayon na bread as compared nung last time na pandesal. Kahit malabot yung tinapay this time, hindi sya masagwa kainin hahaha basta ang panget nung pandesal talaga. Isa pa lang muna nakain ko kaya babaunin ko na lang yung natira

Dun na ako sa bagong babaan nababa at parang eean mag liko talaga muntik pa akong mabangga sobrang baliw. Ingat ingat sa sunod.

Lumabas ako ng office after ng napakahaba naming meeting na sobrang nakaka stress. Lumabas ako kasi kukunin yung revised documents kay client. Na stress pa ako kasi may kailangan pang tapusin sa English something na ni request namin dati pero hindi ko alam na ayun na pala yon hahaha hindi kasi ako minessage ni HR kaya hindi ko alam kung ayun na ba yun. Tapos may code pala kami sa company hindi ko binabasa yung email hahahaha so kinailangan kong ulitin ulit hahahaha tapos level 1 pa lang pala tinapos ko na agad yung level 2 GG hahahahaha

Nakailang meeting kami today sobrang drained na utak ko jusko talaga. Buti na lang may dinner na ako and since pasta sya, pinartner ko yung tinapay na natira ko nung breakfast, ayun busog na busog ako haha nag stay lang din ako ng mga 1hr kasi 8:50 pa yung showing ng Toy Story. Nung isang araw ko pa gustong panuorin 'to ngayon ko lang nagawa. Pampawala na din ng stress sa lahat ng nangyari today.

Maganda naman sya pero hindi ko na masyadong maalala yung 1 and hindi ko na din maalala kung napanuod ko ba yung 2-4 hahaha tapos parang natetempt akong bumili ng Woody, Jessie and Buzz Lightyear na mga laruan hahahaha

Nakakaloka lang yung katabi ko sa kaliwa at sobrang daldal akala mo nasa bahay lang nila. As in ang lalakas pa ng boses nakakaloka talaga sana nahirapan silang makasakay pauwi kahit wala naman ng traffic. Oh kaya kahit bukas na lang or kung kailan man sila aalis ulit ng bahay. Daig pa sila nung mga batang kasama namin sa sinehan kasi nung may isang nag ingay, nung pinagsabihan ng nanay, nakinig din naman agad. Yung mga katabi ko walang pakundangan at walang mga hiya eh.

02 July 2026

Nagpa notaryo kami ni Mama nung isang kontrata para may papel pa din kaming hawak kahit aalis na yung isa pa naming boarder kasi may utang pa sya samin na bayd sa upa. And if I tell you na isa din 'to sa mga answered prayers ko na paalisin ng universe yung mga hindi nagbabayad ng maayos samin or kung sino mang nagloloko sa bahay namin. I can't say na may ginagawa silang kalokohan pero hindi sila nagbabayad ng maayos kaya ayan ang universe na ang gumawa ng way para mapaalis sila. Hindi kami naghahangad ng nanay ko ng perang madami kaya nga hindi kami nagmamadaling magpa upa. Nagkataon lang na laging naaawa yung nanay ko lalo na dito sa specific na boarder na 'to kasi ang dami nyang anak, so kailangan nila ng matitirhan. Ayan, ang ending nagkanda utang-utang na. Pero hindi na namin kinailangang paalisin kasi kusa na silang aalis. Buti naman.

Pumasok na ako after namin magpa notary ni Mama and nakakatawa kasi siningil na ako ni Moovr hahaha apparently, free ride lang pala yun hanggang 01 July hahahaha kainis akala ko hack na eh LOL pero at least nagamit ko sya nung pabalik-balik ako dun sa may isang kailangan naming pagpasahan ng document. So nasulit ko din naman talaga pag gamit ko. Ngayon, lagi na akong masisingil pag umaga at pauwi. Pero for me, mas okay ng masingil ng 45php kesa 500+ sa grab diba. Ang kailangan ko lang naman is hindi ma hassle, na pagpunta ko from one point to another, either hindi na ako maglalakad or makakasakay ako agad. And in the sense na nakakapag scooter ako, hindi na ako pawis-pawis pag napasok sa office. Ang mahirap lang kapag nagpupunta ng office nila clients kasi medyo malayo-layo din.

Nag send ako sa GC ng mga HS friends para mag invite nung sa "Charlie and the Chocolate Factory" Musical. Si Brother C pa lang nagreply so antayin ko pa yung iba. Sila din yung kasama kong nag bar last time sa may Makati. Malakas loob ko kasi sabi ko nga sa kanila, I know na safe kami sa isa't-isa kaya keri lang mag bar. Madami pa kaming gustong gawin pero one at a time muna.

Nag scooter ulit ako pauwi and buzzer beater yung pag park ko kasi dumaan ako sa may tamang daanan, eh ang daming stoplight jusko ang ending mga 9:50min na bago ko pa na park yung scooter, kung hindi 90php agad singil.

01 July 2026

July na grabe! Ang aga kong nagising kasi ngayon madedeliver yung binili kong Meal Plan. Hindi ko masyadong na bet yung breakfast kais ang lambot ng tinapay, kung crispy sana yung tinapay, mas okay.

Sabay kami ni Kuya San pumasok. Sa may bandang park ako bumaba since may mga naka park ng scooter. Yes chineck ko na muna kung may available na scooter, nung kahapon kasi ang layo pa ng nilakad ko eh.

Inasikaso ko na din yung letter na isusubmit dun sa stakeholder and pinrepare ko yung mga appendices na iaattach. Then nag scooter ulit ako papunta sa office nila. Buti na lang talaga pag mga below 10mins, walang singil kaya nagiging mas productive ako. And hindi na din nakaka hassle. Thank you Lord talaga for this option. Kailangan lang talaga ng pinoy mabigyan ng maayos na option and mas mag eexcel talaga tayo eh (WOW naisingit pa haha)

Nagtaka na din si Sir kasi ang bilis kong nakapagpasa ng document and nakabalik ng office hahaha sabi ko nag scooter ako. Tapos sabi nya since transpo daw yun, pwede ko naman daw i-file for claim. Sabi ko wala namang bayad, so I know na deep inside, natuwa sya hahahaha ayan Sir ah, maparaan tayo hahahaha

Dahil may meal plan ako, may baon na din akong lunch, snacks at dinner. So hindi ko na kinailangang bumaba para bumili ng lunch and bumaba ulit para mag meryenda, at pwede na ding mag dinner na ako bago pa umuwi para pag uwi ko, matutulog na agad ako. Not unless pag masarap yung pagkain sa bahay, which I doubt kasi madalas ng tinatamad si Mama magluto, not unless mag request yung mga lalaki kong kapatid. Talk about doublw standards and favoritism hahahaha

Masarap yung dinner kaya hindi na napicturean hahaha pero mas masarap yun kesa sa naging lunch pero keri na din. Mas napatunayan ko lang na ang alat talaga ng panlasa ko. So yung meal plan, sakto lang yung seasoning, pero ang bland nya for me hahaha kailangan ko ng masanay sa ganito para mabawasan yung maalat kong panlasa.

Nag scooter ulit ako pa Market and sa kabilang side na ako dumaan. Mas mabilis and wala masyadong traffice. Medyo mahirap lang yung paliko ng SM Aura kasi sa may bandang sidewalk na ako nadaan kasi ang layo pa ng iikutin kapag dun sa may lane ng sasakyan ako dadaan. Pag malapit lang naman na sa parkingan ako nag saside walk na daan kasi nga ang layo ng ikutan. The rest, sa main road ako nadaan. Buti na lang dun sa bago kong dinaanan ngayon, may harang na mga cones kaya kahit papano, safe sa sasakyan.

Nagkita na lang kami ni Mama sa may Barangay kasi ipapa barangay ulit namin yung dating nag upa samin. Anong petsa na pero may gamit pa din sila dun, gagawin pa nila kaming tapunan. Worst, gagawin pa nila kaming taga tapon, ang kakapal ng mga mukha diba. Nung March, nag kasundk na din sa may barangay na by 30th June, nakaalis na sila dyan at wala ng gamit. Ang mga loko, nag iwan pa ng gamit tapos puro kalat. Sabi ko kay Mama, for sure iiwan na nila yung mga gamit nila at gagawin pa kaming taga tapon. So pumunta kaming barangay para nga magpatulong, tutal may kasulatan na nga sa barangay nung March. Itong nakakagigil, biglang hugas kamay yung mga nasa barangay, na kesyo mag usap daw ulit. Sabi ko, ano pang silbi na nag usap na nung March, para mag usa pa ulit. Like, kulang na lang sabihin ko sa harap nung mga taga Barangay na ano pa pong silbi ng nasa Barangay kayo kung hindi nyo lang din gagawin yung trabaho nyo? Nakaupo lang kayo dyan pero hindi kayo aaksyon. Pinag sulat-sulat nyo pa kami ng kasunduan tapos hindi kayo kikilos. Mga palamunin ng tax ng bayan. Kulang na lang talaga magsalita ako, pinigilan ko lang yung sarili ko talaga at for sure mamasamain nila sasabihin ko kasi magiging defensive sila dahil tama naman talaga yung point ko. Sobrang bobo lang talaga nung pinapagawa nila samin, grabe talaga. Pinilit ko na lang na may sumama samin kasi for sure hindi makakausap ng maayos yung mga dati naming boarder. Sinabi ko pa dun sa sumama samin na kinausap na ni Mama yung sa may biyenan nun. Nakailang balik- balik na yung nanay ko pero ang sagot lang is kukunin daw nila may pasok lang yung anak niya. Eh di kung may pasok yung anak nya, gawan nya ng paraan kasi problema nya na yon. Humanap sya ng taong pwede nyang bayaran para maghakot ng mga gamit nila. Hindi yung kami pag pag iisipin nyang maglabas ng mga gamit nila. Sabi ko pa din dun sa barangay na hindi pwedeng ilabas namin yung gamit nila kasi for sure, bababaliktarin lang din kami nyan at sasabihin bakit nilabas gamit nila. At kung ilalabas naman namin yung gamit nila, kami pa mapapa barangay at sa kalsada lang namin ilalagay yan. Dapat sila ang mag alis at July na ngayon, hanggang 30th June lang ang usapan. Kung ginagawa nila yan sa dati nilang inuupahan, sakin hidni yan pwede lalo't ginagaslight na din ng mga taga barangay yung nanay ko na kesyo kami na daw gumawa ng paraan. Sana pala ako na lang nag trabaho sa barangay kung ganyan lang din.

Ayun nga pagdating namin, yung ate na naman nagsisigaw. Pinapahiya daw namin sya samantalang sya 'tong sigaw ng sigaw. Tapos nung tinatanong naming kung kailan nila aalisin yung gamit nila, hindi makasagot. Tapos babaliktarin pang sinabi daw nilang sa linggo lol nung una kang tinanong wala kang masagot tapos ngayon may sagot ka na kasi harap-harapan ka ng kino-confront lol passive aggresive yarn. Wag ako teh, ang dami ko ng taong kagaya mo na nakaka interact sa work, mild pa yang sayo. Kitang-kita yung butas ng mga argument nya. Galit-galitan pa yung anak nya pero lumabas na mismo sa bibig nila na itatapon na daw nila yung mga gamit nila. Sabi ko na lang dun sa kuyang taga barangay, anong sabi ko sayo kuya? Tama ako diba hahaha natawa na lang talaga ako eh. At least lumabas din yung totoo at nanggaling mismo sa bibig nila lol ayun lang naman gusto kong marinig kasi sinabi ko na yun kay mama, at hindi nga ako nagkamali lol kinailangan pang marinig nung taga barangay eh.

Sabi pa nung Nanay na kahit ipa pulis pa daw sila lol tapos dun naman sya sa pulis iiyak-iyak. Ang akin lang, kung may ginawa man silang hindi maganda sa bahay namin, ang sabi ko nga kay Mama, matakot na lang sila sa karma. Lahat ng umaalis sa bahay namin, dalawa lang ang kinalalabasan, either aalis kasi nakapag abroad and umunlad na yung buhay, or mas lalong naghirap. There's no in between. Tried and tested na yan kaya matakot talaga sila. Kaya din sila napaalis na din sa bahay namin kasi sinumbong ko na sa Taas pati sa tatay ko. Wala naman na akong control kaya Tatay ko na bahalang bumulong kay Lord tutal mas malapit na sya sa kanya, hindi na lang through prayer nya makakausap.

Kaya sabi ko din kay Mama, kung sakali mang hindi sila nagbayad ng maayos and hindi nila inalis lahat ng gamit nila dyan, maririnig nya na lang bigla may mang chichismis sa kanya kung anong nangyari sa kanila. Pasalamat na lang ako't na realize nung taga Barangay na tama lahat nung sinabi ko sa kanila. Kung hindi din nila gagawin yung trabaho nila, sila din kakarmahin lol tatawa na lang ako sa gedli kasi ang universe na ang gumanti for me

At least nawala na ang masamang espirito sa pamamahay na 'to. Hindi talaga pwedeng hindi ako kakausap kasi wala talagang mangyayari pag nanay ko lang at grabe mang gaslight mga tao. Wag ngayong lumalakas na powers ko talaga. The witchcraft is witchcrafting LOL

30 June 2026

Napanaginipan ko si Papa. Ngayon ko na lang ulit sya napanaginipan after how many months. Nagsumbong kasi ako sa kanya nung mga nakaraang araw at may nang aano na naman samin. Saka yung pareho naming wish, feeling ko malapit na ibigay ni universe, ang lakas ng pakiramdam ko.

Napanaginipan ko din ulit si Kuya D. Nung mga nakaraang araw kasi nadaan kami sa may bahay nila banda. Hindi ko naman na sya namimiss pero lately medyo naaalala ko din talaga sya haha at natatawa na lang ako, hindi na ako kinikilig lol

Late na ako nakaalis ng bahay kasi sobrang lakas ng ulan. Tapos pagbaba ko ng jeep, walang scooter kaya naglakad na lang ako. Akala ko ako na lang wala pa sa office, ang ending kahit alas dyes na, ako pa din nauna. Wala daw kasing ma book na motor si KT tapos si Sir wala kaming balita.

Umalis ako nung umaga kasi may pinuntahan ako malapit sa may Market banda. Nag scooter ulit ako since may parkingan na malapit dun. Since malapit lang, wala ulit charge hihi tapos nung pabalik, nag scooter ulit ako. Buti na lang medyo mahina pa yung ulan kaya nag jacket lang ako. Pero dahil naulanan, iinom na lang akong gamot pag uwi.

Umorder lang ako sa grab ng pagkain, yung bento box binili ko para malapit lang and buti na lang mabilis lang na deliver. Hindi na din pala pumasok si Sir kaya dalawa lang kami ni KT sa office.

Nag meeting kami nung 2pm at ako nag present and si KT pumunta sa may office ni Client para kunin yung documents na ipapasa namin.

Nagutom ulit ako nung hapon kaya bumaba ako para bumili sa Army Navy. Bumili akong Nachos and Quesadilla. Inuwi ko yung natira kasi hindi ko na kayang ubusin.

29 June 2026

Mga 8:30 na ako nakaalis ng bahay pero mas nauna pa din ako kanila Sir. Nag scooter ulit ako papunta at ang bilis lang ng nilakbay ko papuntang parking na malapit sa office. And hindi pala na nachacharge pag less than ten minutes yung binyahe mo kaya nakalibre me. So hopefully pag umaga, makakatipid ako dahil 45php din yung isang byahe ah. Hindi na ako haggard pag napasok kaya mukhang mag eenjoy na ako dito. Ingat lang talaga bumyahe sa kalsada kasi ang lubak sa may pedestrian kaya sa may kalsada na ko mismo nadaan.

Hindi pa ulit ako nakapagbasa ng libro nung lunch break kasi feeling ko aantukin ako haha kaya pag uwi na lang or sa weekend ulit. Nanuod na lang ako ng Running Man para magising kasi ang dami pang gagawin.

Nung meryenda time, bumaba kami ni KT at bumili nung sushi. Malaki yung sushi pag mag isa lang akong kumakain, pero bitin pala kapag may kahati hahaha pero okay na din kasi nga mahal din sya.

Buti na lang walang ulan nung pauwi kaya nakapag scooter ulit ako. Kaso ang traffic dun sa may papuntang Market kaya inabot na ako ng 10mins kaiyak nasingil tuloy ako hajsjs hahahaha try ko dumaan sa ibang daanan bukas.

Binilhan ni bunso si Toffee ng cake kasi ngayon yung totoong birthday nya, hindi yung Nov 4 na dumating sya sa bahay. Tuwang-tuwa din naman eh hindi lang halata hahaha ubos agad yung nakasulat na "Toffee Day" pati mga designs na white lines. Late na nakikain si Tofu apakaarte. Kung hindi pa pinakain ni bunso, hindi talaga sya kakain.

28 June 2026

Madaling-araw na ako natapos sa TLH kaya back to watching Running Man muna and then nag adik na naman mag social media pampaantok hahaha tinry ko ulit mag physical book para lang mabasa ko ulit 'tong TAYBILB. Mukhang mas bet ko na talaga sa kindle/phone/ipad magbasa kasi pwede mag highlight ng hindi ko dudumihan yung libro and nakuha ko na yung hack para mapasa ko yung book sa kindle ko ng hindi na kailangan mag send sa email at hirap na hirap ako hahahaha

27 June 2026

Went back into reading kasi na curious ako sa kung anong story nung "The Love Hypothesis" kaya habang trailer pa lang meron nung Movie, binasa ko na muna yung book. And ang gandaaaa! Yes ang ganda lang ang kaya kong ireview kasi hindi naman ako ganun ka critic kapag sa mga books hahahaha matindi lang ata ako mag critic kapag sa volleyball or kpop hahaha pag sa libro or movies or series, natatamad akong mag isip kaya na yan ng mga characters hahahaha

26 June 2026

Nakapag usap kami ulit ni Sir regarding sa naging discussion kahapon and inexplain ko na napag usapan na din namin yun dati ni KT and inexplain ko na din sa kanya yung isasagot ni Sir. Pareho kasi nilang inuna ang init ng ulo ewan ko ba sa kanila. Basta ang sakin lang, wag nyo sakin iuunder yung taong ihahire nyo at wala akong time at pasensya magturo. Pero mukhang si Sir hindi papayag kasi sabi nya mas gusto daw nya under sakin lol nakay Ma'am KD ang desisyon bahala sila. Basta hindi ako magtuturo kasi mas nagana sakin yung nag oobserve ako. Kaya nga hindi ako nag teacher, and kaya nga gusto ko ng umalis dun sa dati kong work tapos ngayon bibigyan nyo pa ako ng responsibilidad na ganyan lol bahala sila

Nag scooter ako pauwi and I think aaraw-arawin ko na 'to kasi nakakapagod maglakad from office hanggang Market para makasakay ako ng jeep. At least mas makakamura ako dito kesa yung grab na araw-araw kapag tinatamad na talaga ako. At mga nasa 45 pesos lang sya and makakarating na agad akong Market. Naisip ko na din kung saan ako dadaanan para mas mabilis. Kasi yung dinaanan ko ngayon, napalayo ako kasi naghanap pa ako kung saan ko siya ipapark gawa ng wala na sya dun sa mismong gitna ng Market dahil puro food stalls na dun.

25 June 2026

More more more catch up sa mga emails and tasks.

May meeting din ng 2pm and ang bilis lang din natapos kasi wala masyadong tanong sila client.

After ng meeting, bumaba kami ni KT para bumili ng pagkain kasi mag overtime kami para gawin yung reports na pinapagawa ni Ma'am.

Nagka diskusyon din pala kaming tatlo nila KT at Sir kasi sabi ni Ma'am KD, mag propose na daw ng ihahire kasi nga baka mag in house na kami nung sa isang part ng ginagawa namin. Ni relay lang naman ni KT pero si Sir iba agad yung pagkakaintindi. Ayun, dahil na overwhelm si KT, naiyak tuloy sya. Pumapagitna lang ako kasi gets ko both sides and napag usapan na namin 'to ni KT nung nasa site kami, and during that time, sinabi ko na sa kanya yung mga isasagot sa kanya ni Sir and tama nga ako. Bahala sila basta nandito lang ako sa gedli

24 June 2026

Nag de briefing lang kami ni KT kung anong nangyari nung monday kasi nga wfh sya kahapon. May mga times talaga na hindi kami pareho ng thinking ewan ko ba lol advantage and disadvantage.