وبعد 31 سنه فى تلك الحياه أحب اقولكم : 1 )الحياه بسيطه جدا ماتستاهلش كل الهم إلى بنشيله. 2 )ماتتجوزش/ماتتجوزيش من غير حب لأن الحياه من غير حب كئيبة اوى. 3)ماتتنازلش عن مبادئك لا نص ولا شويه ولا حته. 4 )ماتظلمش. 5 )عيش بشرف حتى لو هايتقال عليك حمار. 6 )أفرح واخرج الشغل مابيخلصش و المصحف بيتكاثر ذاتيا. 7 )العلاقات الكتيره مرهقه جدا….. بس جميله جدا. 8 )كن منصفا دوما…. حتى لو مع عدوك. 9 )ماتخافش إلا من إلى خلقك. 10 )إلى يحاول يلوى دراعك….. أقطع دراعك أسهل 11 )عمر خيرت… عالم تانى. 12 )مافيش حاجه اسمها حب اول… فيه تجارب ممكن تبتدئ دايما من جديد. 13 )الفلوس بتروح وتيجى ماتعيطش لو وصلت لل30 وماحققتش حاجه لسه بدرى. 14 )الفرصه عامله زى اليوم لو راحت مابترجعش… ركز. 15 )أرقص واتنطط مش عيب. 16 )روح مع ولادك كيدزانيا ولو ماعندكش أطفال اشحت عيل وروح بيه الموضوع يستاهل. 17 )أهلك لما بيكبروا بيضعفوا… أرحم ضعفهم. 18 )ماتنساش…. بس سامح. 19 )الرجاله كائنات متعبه بس قدر حلو واحيانا قدر مهبب. 20 )ربى قطه وكلب وقرد الحيوانات عالم آخر. 21 )ماتستخسرش فى حد معلومه. 22 )إياك والبخل سواء بخل مشاعر او بخل مادى. 23 )الانوثه ملهاش علاقه بماجده… عمو عزيز. 24 )فيه وقت لكل حاجه بس انت نظم المكعبات صح. 25 )فيه صداقه بين رجل وست عادى. 26 )محدش يستاهل تبيع أهلك علشانه. 27 )خليك جدع واقف مع كل الناس حتى من غير مايطلبوا. 28 )ام حسن أكلها زباله صبحى كابر برقبتها. 29 )لو مخلفتش ماتزعلش ربنا بيحبك. 30 )حياتك من غير صلاه جحيم. 31 )ماتظلمش. 32 )حبى نفسك اوى اوى اوى اووووووووووووووووى. 33 )مافيش حاجه اسمها شوكولاته دايت… مافيش. 34 )الدايت مش بيبسى دايت ومكرونه وبطاطس ماشى ياساره؟؟؟!! 35 )ماتطلبيش من حد حاجه اشتغلى واستقلى ماديا. 36 )شغلانه مندوبه مش حاجه ابيحه وربنا. 37 )ارجعى الفضل لأهله. 38 )كونى ام….لكل إنسان فى حياتك. 39 )ابكى بس لوحدك. 40 )اشتغل من وانت صغير ماتستناش الشهاده وماترفضش اى شغل يجيلك مهما كان… وأخيرا…. ماتظلمش مهما حصل وعيش بشرف مهما واجهت.. ♡♡♡♡
