Sa mga nakalipas na araw, linggo at buwan, hindi ko mawari sa aking isipan kung ano na nga bang pangyayaring nagaganap sa aking buhay. Tila baga'y ako ay nasa wisyo ng opyo na kung saan ako ay nasa alipaap ngunit hindi malinaw kung masaya at kuntento sa mga ganap. Mga bagong taong nakakasalimuha at nakakausap bawat araw. Iba't-ibang mga mukha at kwento ng buhay ang panibagong inuukit sa aking isipan, na akin din namang nakakalimutan ng mabilisan. Mga problema at may solusyon at minsa'y wala, ang aking nalalampasan sa pang araw araw na ginawa ng Panginoong lumikha. Salamat Jesus, at patrong Santong Jude sa biyaya na natanggap.
Hayst buhay ika nga. Nakakapagod at nakakalanta, minsan hindi ko mapigilang makatulog nalang sa sulok basta basta, para bang bumalik ako sa pagkabata. Oo, nakakapagod pero kailangan lumaban, nakakapagod kasi alam nating tayo ay may ginagawa, mga bagay na kakaiba, at tila ba ay nakakamangha, tunay nga bang walang kwenta ang aking buhay, sa bawat ngiti at salamat na aking natatanggap sa mga taong aking nakakasalimuha. Sapat na ang mga ito para sa aking kapaguran, sa mga antok at tulog kung saan saan, sa bawat usok na nalalanghap, sa bawat pawis na aking pinupunasan, sa bawat takip na ilong kapag may taong umuubo at bumabahing na katabi ko lang. Sapat na ang lahat at darating din tayo sa punto na sasabihin nating ito'y sobra sobra na. Mga biyayang umaapaw, mga ganap na umaapaw sa depinisyon pinagpala. Pero maisingit ko lang, masaya ako na nakakita kana ng taong nakakapagpasaya sayo, masaya ako na alam ko mahal ka ng taong ito. Hiling ko lang sa sarili ko na makalaya na rin ako. Salamat sa'yo, at magiging mabuti ang lahat para sa akin at sa'yo.
stormborns
andulkaphoto
snowghoul
dailybridgerton
kianamaiart
pixelskylines
discoholicmusic
theartofmadeline
gamechangershow
s-u-f-j-a-n-s-t-e-v-e-n-s
titsay