kalampusan

Ihanda ang sarili dahil hinihintay ka ng bayan. Tibayan mo ang iyong pundasyon sa lahat ng bagay. Tulad ng mga istrukturang itinayo pa ng ating mga ninuno, kaya mong harapin ang anumang sakuna.

Dasal, tiwala, sipag at tiyaga. Ikaw ang pag-asa. Ikaw ang hinihintay na pagbabago.

Padayon, inhinyero ng bayan!

-Engr. John Paul Abad Bayubay

Oo, magaling ka. Talentado ka. Mahusay ka. Marami ka pang ipapanalo. Laban lang.

Palayain mo ang sarili sa mga negatibong bagay at enerhiya. Ikaw ay masaya lang. Positibo. Determinado.

Pagbati sa ipinamalas mong galing! Ipagpatuloy mo 'yan. Alam kong marami ka pang pwedeng maipakita.

Oo, magaling ka. Huminahon ka lang. Matatapos mo lahat nang may kalidad.

Gumawa ka ng mabuti sa iyong kapwa dahil maaaring ikaw ang instrumento sa mga dalangin nila.

Positibong pananaw ang dapat mong pairalin sapagkat ang mundo ay nababalot na ng napakaraming negatibong enerhiya. Palaganapin mo ang kabutihang asal. Ngumiti, tumawa, maging maligaya.

Tao ka na nagkakamali. Ngunit huwag mo hayaang malugmok sa isang kamalian lang. Matuto ka at bumangon muli.

Magpalakas ka. Hinihintay ka pa ng sambayanang Pilipino.

Malaya kang gawin ang mga bagay na gusto. Basta ang mahalaga, huwag kang aapak ng ibang tao.

Huwag mong abusuhin ang sarili. Maglaan ka ng oras para damhin at mahalin ang sarili. Laban!

May mga bagay na hindi binibigay sa atin ngunit kapalit nito’y mas magandang oportunidad. Huwag kang mapanghinaan dahil lahat ng nangyayari sa’yo ay may dahilan.

Ang mahalaga ay lumalaban. Alam kong sobrang nakakapagod. Nakakaubos ng enerhiya. Pero tandaan mong lahat ng nagtatagumpay ay hindi sumusuko. Sa halip sila'y lumalaban at nagpapatuloy. Hinga, magpahinga, magpatuloy.

Matapang ka sa pagharap sa mga panibagong pagsubok. Ipagpatuloy mo 'yan hanggang sa ang lahat ng kinatatakutan mo ay tuluyang maglaho.

Kailangan mong tanggapin na may iba't ibang tao kang makakasalamuha. May tahimik, maingay,mabait, seryoso, kalog at marami pang iba. Minsan, kailangan mo ring makibagay. Ngunit kung sa tingin mo hindi ka kabilang, hayaan mo na. May mga tao namang binibigyan ka ng halaga. May halaga ka.

Maging klaro ka sa mga nais mong makamit. Sa ngayon, pagbutihin mo ang pagaaral mo para maging ganap na inhinyero. Isapuso mo ang tamang pagbalanse ng oras dahil kapag nagawa mo ito, tiyak, mapagtatagumpayan mo ang lahat.

Pagnilayan mo ang mga katagang ito. " Huwag kang matakot magsimulang muli, maaaring mas magustuhan mo ang panibagong istoryang naghihintay". Hindi pa tapos ang laban ngunit maaari ka nang magpunyagi dahil pinili mong magpatuloy.