poet, athlete, father, loverman, advocate

Dear Nephew/Niece:

If you now regard it with disdain for one reason or the other, one incident or the other, one politician or the other, that’s okay. But don’t ever deprive the yellow ribbon of its historical, political context. Yellow happened. The fight it stood for leading to the days and nights of February 1986 really happened.

I hear and see how many have interpreted its context this way and that- associated it with him or her- some may have sullied the symbol that it was but you know, I once wore it with a shaky defiance, and pride, and a yearning my very very young ordinary indio heart knew to be risky - but necessary. Say what you want, but the yellow ribbon meant freedom. It also meant “stop stealing taxes,” and “desaparecido pinsan ko dahil hindi niyo siya ma-utô at di siya nanahimik,” it also meant “hindi niyo pera yan.” It also meant, “sing dami ng diamonds mo ang gutòm sa Negros.” It also meant “hindi kita binoto, ba’t nanalo ka?” It also meant, “tig iilang terms lang ba ang Presidente ayon sa constitution?” And it also meant, “nasa'n ang Kuya ko?” And “asa'n ang Ate ko?” And “ano'ng ginawa niyo sa Tatay ko?” And “ba’t may building kayo sa New York?” And “ba’t may Governor ang Metro Manila at wala namang elections para dito?” It also meant, “Malakas at Maganda … talaga?”

Ang daming nasabi ng yellow ribbon noon. Lampas lampas sa sakop ng Liberal Party. Ang layo, sinasabi ko sa inyo. Ang layo. Ang lawak. Well, sige brand nila yon. Pero katiting lang yon. Baka nga hindi pa noon. Iba noon. Iba ngayon. Totoo. Pero -huwag na huwag na HUWAG kalimutan ano'ng tapang at kung ano pang mahalagang apog at matikas na ewan ang naiabot sa atin ng yellow ribbon na yan. Lalo na nung panahon na mas mainam ang tumahimik at makuntentong buhày subalit duwag. Ang matapang noon- namamatay. Ang joke dati- “ang bayani binabaril sa Luneta.” Totoo. Hindi nakakatawa. Pero natatawa na lang kami habang suot ang dilaw na ribbon na may kaunting nerbyos.

Hindi ako taga-LP, linawin ko lang, dahil ang daming tamad nang manuri ng binabasa ngayon. Ayoko nga yung ibang taga LP e.

Pero Pilipino akong nakaka-alala lang na noong minsan ito ay simbulo ng ninakaw at inaasam-asam na demokrasya. Walang nagmamay-ari ng yellow ribbon na sinuot naming mga bata noon. Walang may ari ng yellow ribbon na tinali namin sa gate namin. Kami lang may ari no'n. Kung sino'ng nagtali no'n, kaniya yon. Gano'n.

By the way: nakakapag-internet ka, nakakapag-batikos ka ng politikong hindi dinadampot o tino-torture sa labas ng campus niyo, nakakapag-alaska ka ng “bobong dilawan” (ika mo) DAHIL NOONG MINSAN— may mga dilawang tunay na lumaban para sa ating kalayaan.🎗🇵🇭

Class dismissed.

Love, Auntie Gang

—-