Untitled

بس هي كمان المره الاولى الي رح يدخل هيك مبلغ وانا مش مبسوط

بالعكس لو بعرف اذرف دموع ما استنيت لحظه ( عل وعسى ارتاح )

بس انا م عندي قابلية للبكى ، علما انه البكى بتاتا مش ندم ، هو زعل على فراق غالي ، اليوم نهاية قصة مكاني الاول ومشروعي الي انطلقت منه للحياة

وصلت نقطة الخروج حتى اعمل مشروع جديد الحمدلله احنا بتساهيل ربنا بنمشي بس كمان هو شي مش سهل ، قطعه منك بتروح

لهيك قد ما كان التحدي بستنزف وقت رح تيجي لحظة ويكون بنقطة التعادل

بعد هيك رح يتفوق على الوقت ،،،، وانتصاره بيكون كثير كبير

فكر مره ومرتين وعشرين مش عشره ، لكل قرار هتوخذه وابعاده وليش انعرض عليك وليش مش لغيرك ولو اخذته شو بصير لو ما اخذته والخخخ

ما يكون شكل العرض مغري وتقرر ، واصلاحك للقرار يوخذ منك العمر

بقرار واحد ، خمس سنين لسا ما اندفع ثمنه ، ولسا بدنا وقت حتى ندفعه

بس العزاء الوحيد انه وقت ندفع الثمن ، ضريبته النا هتكون مكلفه كثير عليهم

اكثر ب اضعاف من قيمته

انا ما في حدا رح يعتبرك ابنه ( ابنك هو ابن ظهرك ) غير هيك كلام فاضي وشعارات مثل ابن الشركة

ف لما بدك تعامل كل البشر حولك عامل كل شخص بصلة القرابه الاصيله ، وبصفة المعرفه العامه

يعني هو صديق يعامل ك صديق

هو اخ يعامل ك اخ

زميل ك زميل وهكذا

اما حدا مش اخوك تعامله اخوك م بزبط ، حدا كبير يقلك انت مثل ابني ، اسمع وطنش لا انت ابنه ولا هالحكي الفاضي ابنه هو ابن ظهره

ممكن بوجهة نظرهم التصرف كثير صح لكن بالوقع هو يلا قريب على الصح

او كان ممكن نعمل اشي اصح منه ك تصرف ، حكمة ربنا كمان الها دور كبير

كانت مكان منه عملت وتعلمت وكبرت اربع سنين من نواه ل مكان اله اسم كبير ويعتبر من اول ثلاث مراكز على المحافظة

من خلال توزيع الادوار ، تجزئة المهام يعني مردود اقل ومقدار نمو طبيعي اذا النتيجة قوة مالية ضعيفه ، المام ب دائرة المهام منقوص …. منافس غير مكتمل الاركان

تحارب بسيف خشب وبدك تنتصر ما عندك خيار الا تنتصر

التفائل جيد ، لكن نسبة الأمل اشبه ب شخص رمي وسط المحيط دون بوصله والمطلوب هو الشط الرملي

الصراعات صعبه ، خاصة اذا كانت من المحيط المقرب ، والحلول اصعب

ووصفه اصعب

قرارات كثيره وكلها غيبيات

كل قرار لازم توخذه بيترتب عليه التزامات ضخمه

وشعور انه بدك تعبر عن كلشي بنفس عميييق