هي بس
ناس كتير احتارت في تفسير كلمة الحب و بيجي امته وازاي وبتحس ب ايه وغالبآ لو بتحب بجد اجاباتك هتكون مبهمه .. ابسط مثال الرد هيكون “ معرفش “
الحب مش شعر ولا كلام ولا ابطال في كتب وروايات
الحب بالنسبالي هو الي عدل حياتي او بمعني اصح وجدلي حياه انا كنت بائس بشكل مخيف مكنش عندي هدف اتنفس عشانه ولا حد اعيش عشانه مهمل ومتهاون في حق نفسي وحق الي حوليا عليا
كنت بايعها ومش فارقه مين جاه مين راح مين فضل مين مفضلش ملعون ابوهم البشر اجمعين الا هي ..
لحد ما جت هي ..
“ رحمة ربنا “
ربنا لما بيشوف عبد تعبان والشيله تقلت عليه بيرحمه .. رحمة ربنا تجسدت فيها
جات هي وانتشلتني من كل شئ وحش وبدلته بحلو هي مش مدركه هي عملت ايه وديمآ تقولي انا نفسي افرحك زي ما فرحتني واعملك اي حاجه ابسطك بيها
هي فرحتي وهي انبساطي وجودها بس في حياتي فرحه..
كفايا اني بتصرف بعفويه وعلي طبيعتي معاها واني بقول الكلام من غير ما احسبه ولا افكر فيه ومع ان كلامي دبش بس هي بتخده بهزار وبتعديلي وانا عارف انها بتعديلي شكرآ انك بتعديلي ،
و مع اني مش بثق في الناس الا ان ثقتي كلها اتحطت فيها .مش بثق غير فيها ،
هي مبهجه للحد الي يخليك تحب الحياه ، بتشوف الدنيا حلوه، بتلون الدنيا بلون الفرحه ، لو شقيت وتعبت في شغلك ف انت حابب شقاك لانه عشانها ، لو انت زعلان او مضايق ف هتلاقي حد يطبطب ويحتويك ويفهمك ويخفف عنك وتضحك معاه علي زعلك وتستغرب انك كنت زعلان
بتترسم علي ملامحي ابتسامه بلهاء لما بتخيل نفسي عايش معاها في بيت واحد وجايبين طفل من صلبي ومن ملامحها وهنربوه سوا
هي بس الي اقبل احارب الدنيا عشانها ومندمش
هي بس الي اقبل اني احط ايدي في ايد ابوها
هي بس الي كلامي مع ربنا عنها مش بيخلص
هي بس الي بدعيلها قبل ما بدعي لنفسي
هي بس الي عرفه مفاتيح ضحكتي وبتعرف ازاي تخليني مبسوط
هي بس الي بزعلها واصالحها وتزعلني وبرضو اصالحها
هي بس الي مش بستحمل اسمع صوتها مضايق
هي بس الي بفكر في ميت فكره اني ازاي ممكن ابسطها
هي بس الي جبتلي صداع نصفي من كتر التفكير فيها
هي بس الي بغير عليها غصب عني
هي بس الـ ليها حق فيا زي امي
هي بس الي حوا جبتها
هي بس الي بقولها يا ماما ، يا بابا ، يا اختي ، يا صاحبي ، يا بنتي ولسه مقولتلهاش يا حبيبتي
هي بس الي غيرهم ..
هي بس الي مسحت اي شئ قبلها ومضت حضور ع كل شئ جاي
هي الي وخداني حكر .. سكناني بوضع اليد ♥
#صاحبة_الطريقه
