Space Dust

أمي انهاردة قالتلي ساعات كتير بتمنى لو أمي كانت عايشة عشان أخد رأيها في حاجات وتقولي أعمل إيه

الذكور المصريين بقوا أنطاع أوي إلا ما رحم ربي

الجرايد دي كانت محتفظة بيها خالتي الله يرحمها..كانت أول ثوريه جريئه أشوفها في عمري، كانت صعبه في تعاملها وشديده أوي لكن على حق وطيبة في نفس الوقت جدًا، بتشوف إن البنات الشاطره الجدعة أحسن من مية ولد وإن الولد الضايع يغور، وكانت ضد نظام مبارك على طول عاشت تحلم بالثورة طول عمرها وأول واحده تعرفني على بلال فضل وتخليني اقراله مقالته الاسبوعيه في الجرايد وتناقشني في السياسة من إبتدائي، وكانت من أوائل البنات اللى اتعلموا في البلد واشتغلوا وكانت ست في منتهي الشياكه بتلبس بیریه وجیبات وفساتین وبتشتغل في مصلحه السكة الحديد وكانت مبتتكسفش تقول لحد إنه غلط في وشه..كانت مصممه تعلم أطفال العيله أهميه القرايه فبدأت تجيبلنا مجلدات ميكي ومجلات ماجد وسمیر وفلاش والعربي تجیب ۳ نسخ من كل مجله نسخه لينا ونسخه لبیت خالي في بيتهم ونسخة لبيت خالي في بيت جدي، ولازم تقرأ الجرايد وتجيبها يوميًا لحد وفاتها..كانت بتحب نجيب محفوظ ويحي حقي واحسان عبد القدوس وقرأت كل رواياتهم.. كانت بتاخدني معاها الشغل كتير اوي وتخليني امضي معاها في دفتر الحضور وتجبلنا لبس خطير من القاهرة وياما سافرت معاها لوحدنا وافتکر بردو إنها أخذت إذن تأخير من شغلها عشان تروح ۹ أو بعد ۹ لإنها كانت ست رايقة لازم تصحي الصبح تشرب الشاى بلبن بتاعها بهدوء على الكنبه اللي تحت الشباك الكبير في الصالة وتستمتع بهوا الصبح وتبدأ تلبس وتروح الشغل ٩.. حبيبتي رحمه الله عليها كانت لازم تجيلنا على الأقل مرة فى الأسبوع من وقت ما أنا وعيت على الدنيا لحد ما طلعت معاش وتعبت معادتش تيجي..علمتني إن مدام معايا الحق افتح بوقي في وش أي بني آدم وماخافش أبدًا، فالله يرحمها حقيقي هي وكل اللى سبقونا

أنا أغلب الوقت زعلانة بسبب إن أمي اتجوزت وهي ٣٣ سنه وأبويا ٤٠ وخلوني عايشة في قلق بسبب سنهم. لما بشوف حد قدي في السن بيقول أمي عندها ٤٥ سنة ولا أكبر شوية بغبّطه وبقول في نفسي نعمة مش داري بيها أكيد..بعدين أرجع وأقول الأعمار بيد الله و أدعيلهم بالصحة وطولة العمر

بتفرج على مسلسل مصري فيه شخصية انتهازية ما بتقول أنا جمعت من أكرم ٩٠ مليون جنيه، بس مقابل المعلومات اللي هتاخدها مني هاخد ١٠ مليون قولت ايه الطمع دا معقول الملايين دي كلها وعايز تاني