BlackSkullKid

HI! muling nagbabalik sa mundo ng Tumblr. Ang tagal ko din palang hindi nakabisita dito.

Nakakainis lang at nanakawan ako ng cellphone, dalawampung araw nang nakalilipas. Gabi na no'n at galing ako sa isang mall dahil nagkayayaan kaming magkakaojt na kumain sa labas. naglalakad ako pauwi papunta sa sakayan na lang ng tricycle papunta sa amin dahil mahaba ang pila sa sakayan ng jeep kaya minabuti ko na lang na sumakay ng tricycle. Nakalagay lang sa bulsa ko iyong phone ko at nakasoundtrip ako habang naglalakad sa gilid. may dumaan na jeep na walang sakay malapit sa nilalakaran ko kaya nakitakbo na lang din ako. Nung nasa estribo na ako ng jeep, siksikan at ako ung huling sasakay na babae, puro kalalakihan na ang katabi ko at ung iba, sumasabit na lang. Namalayan ko na lang, may humahatak ng earphone ko, yun pala nakuha na ung phone ko. Hindi ako makasigaw no'n kasi natakot ako na baka may kasama 'yun o di kaya, bigla akong saksakin sa gilid sabay takbo. natrauma talaga ako. nakapagsalita lang ako na nanakawan ako ay nung nakasay na ako sa loob ng jeep at tumatakbo na ito. sinubukan akong tulungan ng ibang pasahero at tinawagan namin ang phone ko at baka nakasakay lang din ung magnanakaw kaso, wala. nanakaw na. 

thank God at hindi ako napahamak talaga. at mabuti na lang ung phone na yun, may kalumaan na. magdadalawang taon na yun sana sakin sa December. regalo kasi sakin yun ng ate ko at ng boyfriend niya nung 18th birthday ko. Mabuti na lang at hindi 'yung bagong phone yung nawala at wala din doon ung memory card ko. :))