#wullfrick

Minsan, makaka-tagpo ka nalang talaga ng taong abusado.

Oo hindi ko nai-flush ‘yung toilet nung umihi ako kagabi. Hindi ko rin naibaba ‘yung basura para sa garbage collection every Wednesday morning, pero hindi ko na kasalanan kung bakit hindi calibrated ang metro mo.

Ang sabi mo metro lang tayo at kahit magdagdag lang ng kaunti. Okay lang. Ano ba naman ‘yung kaunti. Pero sa kalagitnaan ng byahe, bigla kang hihirit na kahit mga 60 lang ang idadagdag.

Ano pang magagawa ko kung konting kembot nalang, bababa na ako. Sana pala kumain ako ng bubble gum para naidikit ko manlang sa upuan bago ako bumaba.

Pero okay lang. Tapos na. Wala na akong magagawa. Pero si Lord meron. Ayun, pagbaba ko, tumirik ‘yung makina n’ya.

Syempre title lang ‘yan. Wala naman akong balak mag-post ng selfie ko para sa post ko na ‘to. Medyo naririndi na ‘rin kasi ako sa mga comment na, “Huy ang taba mo na!” , “Lumulobo na ‘yung pisngi mo.” , “Katawan mo na ‘yan?” at “Pati pala unan at kobrekama, kino-cosplay na?” Mga tarantado diba? Kala mo naman ang kikinis. Pwe! Atleast ako, kaya kong pumayat. Kayo, kaya n’yong pumogi? Yes. Lakas.

Anyway, gusto ko lang bumati ng “Happy New Year” at manghingi ng macaroni salad sa lahat ng nagbabasa nito. Gusto ko kayong lahat bigyan ng tap sa inyong mga back to let you know na kahit naging tough ang 2017, you still did a good blowjob! I mean JOB. Good job!

Kaya BIGYAN NG JACKET!

Ang daming nangyaring hindi natin inaasahan ‘no? Hindi ko inexpect na makakapag-move-on na ‘ko. Hindi ko din ineexpect na magcecelebrate kami ng New Year sa hospital. Hindi ko inexpect na tataas ng ganon ‘yung sweldo ko. Hindi ko inexpect na makakabili na ako ng kotse at bahay. . . . para sa munting barbie house ng pamangkin ko. Sino ba naman ang makakapagsabing may lalabas na scandal ‘yung crush mo nung college? At ‘yung dating pinapanood mo lang sa cellphone ng kuya mo, napapanood mo na ‘rin sa phone mo sa loob ng banyo habang nakabukas ang gripo. Wait, (*Ang mga sumunod na eksena ay rated SPG*)

Pero seryoso, napaka-raming blessings and realizations bago matapos ang taong 2017. At dahil bagong taon, usong-uso nanaman ‘yung mga kalendaryong may nakalagay na Chinese Zodiac at mga horoscopes. Kaya gumawa ko ng version ko kasi “why not?”

*January. Year of the RAT. Hindi masyadong mabango ang taon na ‘to para sa’yo kaya umiwas sa mga taong hindi naliligo. Lalo na sa mga sumasakay sa masisikip na PUV. Ugaliing magbaon ng manggang hilaw. Hindi lang dila mo ang may panlasa kundi pati ang ilong mo. Sa mga pagkakataong asim na asim ka na sa kilikili ng katabi mo, ilabas mo ang baon mong mangga. Busog ka na, nakatipid ka pa sa suka Lucky No: 1.5 , Lucky Color: Dirty White

*February. Year of the OX. Alamin ang pinagkaiba ng kambing sa OX. Oo, masarap ang kambing lalo na kung gagawin itong kaldereta. Pero masarap din ang OX. It comes with different flavors pa. May Classic, may caramel, may black, may white, may violet at burgundy. Matututo kang magluto ng Kaldereta ngayong taon. Hindi nga lang masarap. Lucky No: 8 1/2 , Lucky Color: Mamink-mink

*March. Year of the TIGER. H’wag kang mag-susuot ng Tiger printed dress kung ayaw mong ma-mukhang buhay na pedestrian lane. Pero kung makulit ka, h’wag kang magtataka kung bigla nalang may tatapak sayo. At please, h’wag kang maglalakad sa EDSA. Baka magtawiran silang lahat sa likod mo. Bawal pa naman tumawid doon, nakamamatay. Lucky No: 4 3/4 , Lucky Color: Mapusyaw na dilaw

*April. Year of the RABBIT. Iwasan ang pag-kain ng mga de-latang expired. Malakas maka-blurred ng utak. Sa mga pagkakataong may magtatanong sayo kung saan mo gusto kumain, dapat ready sa utak mo ang  listahan mo ng may masasarap ng luto ng hotdog. Lucky No: 6%  Lucky Color: Mamula-mula

*May. Year of the DRAGON. Magiging masagana ang taong ito para sayo. May posibilidad na makapagpatayo ka ng sarili mong bahay. Tanggalin mo ang lahat ng batong makikita mo sa bigas na binili ng nanay mo sa palengke. Ipunin mo ito hanggang sa makagawa ka ng bahay. Magpabili ka ng dagdag na tatlong kilong bigas kung gusto mong may terrace. Lucky No: 984  Lucky Color: Dark Black

*June. Year of the SNAKE. Iwasan ang pag-“poke” sa mga may syota na. Marami ang manggigigil sayo ngayong taon na ‘to. Kaya h’wag kang pabibo. H’wag mag-maganda. H’wag kang umastang angat ka sa iba lalo na kung mahaba ang buhok mo sa ilong. Lagi mong tatandaan na ang relasyong nagsimula sa kalandian ay magtatapos din sa kalandian. Ipasa mo ito sa 25 na tao. . . charot. Lucky No: 69K  , Lucky Color: Esmeralda (ingay mo’y kay sarap sa tenga)

*July. Year of the HORSE. Magiging maswerte ang taong ito sayo kung magkakaroon ka ng negosyo. Gamitin mo ang talent mo sa pagbibilog ng kulangot. Magtinda ng ginataang bilo-bilo o graham balls sa kanto. Lucky No: 8.3  , Lucky Color: Maliwanag

*August. Year of the SHEEP. Darating na ang hinihintay mo. Mahahanap mo na ang kabiyak ng ‘yong puso ngayong taon na ito. Kaya ugaliing magdala ng tooth brush at dental-floss. Hindi para sa’yo kundi para sa makikilala mo. Lucky No: 3%  , Lucky Color: Kayumanggi

*September. Year of the MONKEY. Wagi ang taon na ‘to para sayo. Lahat ng masasayang alala ‘nyo ng syota mo, mauulit ngayong taon. Pero sa ibang lalake na.  Kalimutan mo na ang kurimaw na syota mo dahil may darating na bago. Bagong magpapatibok ng puso mo. Magiging kayo hanggang sa dulo. Tapos iiwan ka ulit pagdating sa dulo. Lucky No: 911 , Lucky Color: Light White

*October. Year of the ROOSTER. Maraming oportunidad ang naghihintay para sayo sa taon na ito kung magsisipag ka. Simulan mo sa pagluluto ng sinangag mula sa lugaw na tinanggalan ng sabaw. Iwasan din ang sobrang paggamit ng filter sa mga pictures na inuupload mo sa Facebook. Baka sa sobrang bibo mo sa paggamit ng filter, ‘yung hawak mong champorado, maging lugaw na. Lucky No: 8-7000 ,  Lucky Color: Colorless

*November. Year of the DOG. Ikaw ang bida ngayon dahil taon mo ito. Pero ‘hwag din masyadong mapapel. H’wag sabat ng sabat lalo na kung hindi naman ikaw ang kinakausap. Baka bigla ka nalang masampal. Lucky No: 09988486659 , Lucky Color: Madilim

*December. Year of the PIG. Maging magaling sa pera at patakbuhin ng mabuti ang negosyo. H’wag nang magtinda ng yelo kung hindi naman lumalamig ang refrigerator n’yo. Lucky No: 1x +2xy  Lucky Color: Madilim

Pero ako, hindi talaga ako naniniwala sa mga horoscope at hula. Sabi nga ni Zenaida Seba,  "Hindi hawak ng mga bituin ang kapalaran natin, gabay lamang sila.” Mas bet ko pa rin ‘yung kalendaryong may mga naka-pose na model tapos naka-underwear lang. Yung madalas nating nakikitang nakadikit sa bintana ng malalaking truck. ‘Yung madalas may drawing sa mukha at may talsik ng kung ano man.

Siguro may mga bagay lang talagang hindi nagla-last at kailangang bitiwan na. Mga pagkakataon at opportunities na pinapakawalan, mga samahan na kailangan nang iwan. Mga relasyon na kailangang wakasan na. Kung nasasakal ka na at hindi na healthy, stand up and kaway sa kanan.

Isang napakalaking desisyon ang mag-resign at mag-quit sa trabaho. Lalo na kung napamahal ka na sa ma katrabaho mo. ‘Yung mga taong ilan taon mo na ding nakasama at mga bagong barkada na tinuruan ka kung pano i-enjoy ang buhay kahit stressed na stressed ka na. Nakaka-miss. But on second thought, hindi tayo mapapakain at kayang buhayin ng mga ka-trabaho mo. Remember, the reason why you’re working is for yourself and your family.

I just realized,

Napapadalas ‘yung pagdugo ng ilong ko at pagkakaroon ng sakit. Literal na “Monday Sickness” kumbaga. Dahil na rin siguro sa hindi pagkakaroon ng kumpletong tulog at pahinga. Sino ba naman kasi ang makakatulog ng maayos kung ang kapitbahay mo ay wagas na wagas sa pagpapatugtog ng drums. Pagsubok talaga ang night shift na schedule.

Kelan ko lang din narealize ‘yung layo ng bahay ko sa pinagtatrabahuhan ko at ang araw-araw na pagsubok makasakay lang ng jeep at LRT. Bakbakan kasama ang mga Spartan na nagmamadaling makauwi galing sa trabaho at eskwelahan. Isama mo pa ang mga Ninja Turtles na estudyante na may naglalakihang mga bagahe sa likuran nila. Swerte nalang kapag hindi ka natamaan nito sa mukha.

Ilang beses na rin akong nalilipasan ng gutom hindi dahil sa wala akong pambili ng pagkain o walang gana kundi walang oras para kumain. Simula nang malipat ako at iba ko pang mga kasama sa bagong “account” na pinamumunuan ni Fluffy (character sa Everwing), nagsimula nang magkandaleche-leche ang lahat. Walang break schedule. Naka-depende kay Fluffy ang oras ng pagkain mo. Limang oras mahigit ang interval ng breaks. At dahil bawal ang pagkain sa loob ng floor, katakot-takot na gutom ang inabot ko at ng iba pang empleyado. Samantalang si Fluffy ay busy-ing busy nanonood ng “O Shopping” sa pantry. Shet, parang gusto ko i-slice ng kutsilyo ang chocolate cake na namumuo sa batok n’ya.

Isama na rin ang sahod. Sahod na hindi akma sa pinaghihirapan namin. Sahod na mas malaki pa ang kinikita ng mga adik na nagbebenta ng tanso mula sa mga kable ng kuryente. Sahod na mas mababa pa kay Dagul. Papaano ko mababayaran ang renta ko sa bahay? Papaano na ‘yung hinuhulugan kong sasakyan? Paano na ‘yung Honey Glazed Chicken na good for sharing na lagi kong binibili every weekend?

Maayos naman kami noon. Masaya at palaging excited mag-trabaho.

Sadyang may mga bagay lang talagang hindi mo inaasahang mangyari. Na sa isang iglap, bigla ka nalang mapapaisip na umalis nalang. Hindi dahil sa hindi mo kinaya ang mga pagsubok kundi dahil may choice ka. Bakit mo pa nga ba kailangan magtiis kung meron namang naghihintay na mas better future para sayo at sa pamilya mo.

*insert Ate V here*

“Kung hindi tayo kikilos, sinong kikilos? Kung hindi ngayon, kelan pa?”