ભારતમાં જો ક્રિકેટની વાત કરવામાં આવે તો સચિન તેંડ્લકર,કપિલ દેવ, સુનિલ ગાવસ્કર જેવા મહાન ખેલાડીઓના નામ સામે આવે છે.પરંતુ ભારત માટે શરમજનક વાત એ છે કે જયારે અમ્પાયરઓની વાત કરવામાં આવે તો એક પણ અમ્પાયર એવો નથી જેનો સમાવેશ આઇસીસીની એલાઇટ પેનલમાં સમાવેશ થતો હોય (એસ.રવિ સિવાય) એ ભારત માટે ખુબ જ ખરાબ વાત કહેવાય કારણ કે ભારતના જ એન.શ્રીનીવાસ એ આઇસીસીના અધ્યક્ષ છે. અને આ પહેલા બીસીસીઆઇના અધ્યક્ષ પણ રહી ચૂકીયા છે. અને તેના પહેલા શરદ પવાર જેવી વ્યકિત હોવા છતાં પણ આ અમ્પાયરનું સ્થર સુધારી શકયા નથી.            

         જો વાત કરવામાં આવે તો આઇપીએલની જયારે સીઝન-8ની શરૂઆત થવાની હતી તેના થોડા દિવસ અગાઉ ઓસ્ટ્રેલિયાના અમ્પાયર સાયમન ટફેલ ભારતન આવ્યા હતા.અને તે ભારત એક સેમિનારમાં ભાગ લેવા આવ્યા હતા.આ સેમિનારનું આયોજન બીસીસીઆઇ ધ્વારા કરવામાં આવ્યું હતું જેમાં તે આઇપીએલ અને ટી-20 ટૂનામેંન્ટમાં ભાગ લેનારા અમ્પાયર અને રેફરીઓને તાલીમ આપવા માટેનું હતું અને સાયમને એવી આશા વ્યકત કરી હતી કે ટૂંક સમયમાં આઇસીસીની એલાઇટ પેનલમાં ભારતમાંથી એકાદ અમ્પાયરનો સમાવેશ થશે.

          છેલ્લે ઓસ્ટ્રેલિયા અને ન્યુઝીલેન્ડમાં યોજાયેલા વલ્ડૅ કપની જો વાત કરવામાં આવે તો તેમાં ભારતના એક માત્ર અમ્પાયર તરીકે એસ.રવિનો સમાવેશ કરવામાં આવ્યો હતો.અને વલ્ડૅકપમાં યોજાયેલી બધી જ મેચોમાંથી માત્ર  ત્રણ મેચોમાં અમ્પાયરિંગ કરવાનો મોકો મળ્યો હતો.અને આ મેચો કવાટૅર ફાઇનલ,સેમીફાઇનલ કે ફાઇનલ જેવી અગત્યની મેચો ન હતી.

          વિશ્વના બઘાજ દેશોમાં ક્રિકેટની વાત કરવામાં આવે તો ઇંગ્લેડની કાઉન્ટી ક્રિકેટને બાદ કરતો ભારતમાં સૌથી વધારે ક્રિકેટ રમાય છે,આપણા દેશમાં ઝોનવાઇજ,રણજી અને અંડર આ બધી જ ટીમો છે. અને જેના કારણે સ્વાભાવિક છે મેચો પણ વધારે રમાય છે.આમ વધુ મેચો રમાય એટલે અમ્પાયરની જરૂર પડે અને ભારતમાં તો વળી જૂનિયર લેવલે પણ અઢળક ગુપ છે તેમ છતાં હાલત એ છે કે અમ્પાયર માટે સેમિનાર યોજવા પડે છે. અને આમ છતા અમ્પાયરઓને આઇસીસીમાં સ્થાન મળતું નથી.