#smilingnow

Bago ako dumating sa bahay, galing ako sa simbahan. Ilang oras din ako nandoon. Nag-ensayo kasi kami ng sayaw na ipapakita sa Concert ng simbahan namin. Masaya ako, hindi lang naman ako syempre. Masaya ako kasi nakikita ko na malapit na matapos yung ineensayo namin. Konting dagdag lang ng steps at ayun! okay na! Sino ba hindi magiging masaya dun diba? Hanggang sa nakauwi ako tapos kain ng hapunan at tsaka nag log-in.

Nilog-in ko lahat ng accounts ko sa iba't-ibang social site. Sa FB, may page kami kasi isa akong SK Kagawad ng aming brgy at lalawigan. Yung Kuya Mong namin nagpost siya ng isang mahalagang balita dun sa page namin. Ngayon konpirmado na, una kasi narinig ko lang yun sa kinakapatid ko. Hindi muna ako agad naniwala kasi nga wala pa naman patunay. Hanggang ayun, nabasa ko na nga. Yung ngiti ko naging lungkot. Itong taong sinasabi ko, ka-SK ko pero hindi sa brgy namin. Sa kabilang brgy siya. Sobrang lapit samin. Hindi ko rin siya ka-close pero bilang kasamahan sa SK, malulungkot ka talaga. Hindi ko pa man din alam ang tunay na dahilan pero NAMATAY siya. Hindi ko alam kung kailan, kung paano o kung saan. Alam ko yung sakit kapag namatayan. Hindi man kami close, Rest in Peace my Fellow Sk Kagawad Jayrich Pilante. Hanggang ngayon di ako makangiti ng maayos. Gusto kong malaman paano siya namatay hindi dahil gusto ko makitsismis o mang-usisa lamang kundi para magkaroon ng kaalaman kung paano natin mas maiingatan yung sarili natin. Kung sa sakit ba o aksidente. Yung ganoon.

Matagal ko nang naitatak sa utak ko kung gaano kaikli ang buhay. Sa hindi mo inaasahang pagkakataon bigla ka na lang mamatay. Hindi ako isang manghuhula o anuman. Ang sa akin lang ang kamatayan dumadating kung kailan hindi ka handa. Kesyo mapahanda nga, dumadating pa rin. Paikot-ikot talaga ang buhay. Mas maganda kung habang maaga i-enjoy natin yung kung anong meron tayo. Maging kuntento. Basta ako, ang paniniwala ko sa Diyos matatag, yung pamumuhay ko ngayon iniaayon ko sa kung anong nalalaman kong tama at dapat. Para pagdating ng itinakdang panahon, handa ako at walang pagsisisi. Masarap mabuhay kaya hindi ko maintindihan bakit andaming gusto magpatiwakal. Huwag tayong tumutok sa mga negatibong nangyayari sa buhay natin. Pansinin ang positibo ngunit huwag kalimutan ang negatibo para balanse. Sayang kung puputulin mo ang buhay ni hiram sa Diyos. Pakatandaan.