#priceapp

https://www.cubix.co/blog/price-to-build-a-marketplace-app#app 

لاہور(جی سی این رپورٹ)پنجاب میں سرکار کو سرکار ہی دھوکا دینے لگی ،پنجاب میں اشیا ضروریہ کی سرکاری قیمتوں میں تضادات کے انکشافات ہواہے،پنجاب قیمت موبائل ایپ،سرکاری نرخ نامے اور مارکیٹ تینوں کی قیمتوں میں نمایاں فرق سامنے آگیا۔ چینی ، دالوں ، چاول سمیت دیگراشیائے ضروریہ کی قیمتوں میں فرق ہے۔سرکاری قیمت ایپ پر متعلقہ انتظامیہ کی جانب سے قیمتیں غلط دیدی گئیں،چینی ، دالوں ، چاول سمیت دیگراشیائے ضروریہ کی قیمتوں میں تضادات پائے گئے ہیں۔سرکاری نرخ نامے پر چینی 85روپے فی کلو ہےجبکہ ایپ پر قیمت دی ہی نہیں گئی ، گھی اڑھائی کلو 255روپے ، کوکنگ آئل پانچ لٹر 1240روپے سرکاری نرخ نامے کے مطابق ہیں مگر گھی اور کوکنگ آئل کی قیمتیں سرکاری پرائس ایپ پر نہیں دی گئی،باسمتی چاول کے سرکاری نرخ 80روپے کلو ہے جبکہ ایپ پر 128روپے قیمت بتائی گئی ہے،دال ماش 300روپے کلو ہے جبکہ پرائس ایپ پر 198روپے کلو ظاہر کی گئی ہے،دال مونگ میں 98روپے اور دال مسور 28روپے جبکہ دال چنا میں 22روپے کا فرق سامنے آگیا،دال مونگ سرکاری نرخ نامے سے ہٹ کر عام مارکیٹ میں 340روپے فی کلو فروخت کی جارہی ہے ، مٹن سرکاری نرخ نامہ 1کے مطابق ہزار روپے فی کلو جبکہ پرائس ایپ پر 900روپے کلو ظاہر کیاجارہا ہے ،نمک مرچ ، مصالحہ جات، چائے کے ریٹ سرکاری قیمت ایپ پر دئیے ہی نہیں گئے،مارکیٹ میں دال ماش اول 380روپےفی کلو ہے ، جبکہ سرکاری موبائل ایپ پر قیمت موجود ہی نہیں اورسرکاری نرخ نامے پر 300روپے قیمت دی گئی ہے ۔ اسی طرح سفید چنے کی سرکاری نرخ نامہ کے مطابق قیمت 108روپے کلو ہے جبکہ مارکیٹ میں 120روپے سے 130روپے میں فروخت کیاجارہاہے،لاہور سمیت پنجاب بھر کے بڑے سٹورز میں من پسند قیمتوں کی کھلی چھٹی دی گئی ہے ۔ اس حوالے سے رابطے کرنے پر محکمہ انڈسٹریز کے حکام نے کہاکہ قیمت پنجاب موبائل ایپ مانیٹر کی جارہی ہے ، سب ٹھیک ہو جائے گا۔وزیراعلیٰ پنجاب سردار عثمان بزدار نے جنوری میں موبائل پرائس ایپ کا افتتاح کیا تھا ، پنجاب انفارمیشن ٹیکنالوجی بورڈ کی وضع کردہ ”قیمت پنجاب موبائل ایپ“عوام کیلئے دھوکے کے سوا کچھ نہیں،اشیائے خورونوش کی ہوم ڈلیوری سروس کا فیچر بھی صرف دکھاوا ہی رہ گیا ہے،حکومت نے فریش آن لائن فری ہوم ڈلیوری سروس پنجاب کے چار شہروں میں متعارف کروائی تھی جوراولپنڈی، اسلام آباد اور ملتان میں ناکام ہوکررہ گئی ہے، جہاں یہ سہولت میسر ہے وہاں پر انتہائی ناقص کوالٹی کی اشیا فراہم کی جارہی ہیں، شہریوں سے پھلوں اور سبزیوں کے کئی گناہ زیادہ ریٹ وصول کئے جارہے ہیں ۔واضح رہے کہ قیمت ایپ دکانداروں کی من مانیاں کنٹرول کرنے کیلئے متعارف کرائی گئی تھی ،مگر شہریوں کی شکایات کےباوجود گراں فروش دکانداروں کیخلاف کوئی ایکشن نہیں لیا جا سکا ہے بلکہ مبینہ ملی بھگت سے متعلقہ انتطامیہ معاملات کلیئر کر دیتی ہے۔ Read the full article

Creating a Price List of items with their names and description. Follow the below steps to create a Price List on Apptivo's Pricing App.