İlahi, paklıq barəsində buyurduğun göstərişlərə diqqət etdim. Məni özümdən çox Düşünən yalnız Sən olduğunu gördüm. Gözlərim yaşla, qəlbim niskillə və intizarla doldu... Küçələrdə və tinlərdə parıldayan hər sübh çağında və gecə fənərlərinin yanan şöləsində nur axtaran qəlbim Səni xatırladı və dilə gəldim. Küləklərə dedim sonra dönüb uçan quşlara. Hər nə gördüm dedim ki, qəlbimin atəşini və hərarətini xəlq edənə sonsuz Həmd olsun ... Sıxıntılar üstümə gəldikcə daha çox sarılıram Sənə. İndi başa düşürəm ki, üstümə gələn tufanlar məni Sənə daha möhkəm sarılmaq üçün əsirmiş.. Paklıq həm kişilərdə həm də qadınlarda Sənin qiymət verdiyin ən üstün nəticədir. Paklığı qorumaq üçün güc verən də Sənsən. Nurundan güc alıb şölələnməyə izn ver. Qurtar məni bu xərabələrdə sərgərdan gecələmək və hüzün içində yola baxmaqdan..