#anmac

評估機構做既野對你入移民申請好重要。佢會第一, 評訂你有幾多年年資, 代表直接影響你既移民分數工作經驗個part。一向做開HA既前輩們大都唔使擔心, 只要係做開長工冇gap year佢都會認足你100%。但係做NGO或院舍或診所既前輩要小心寫reference letter以防被打八折甚或七折。第二, 佢會評你屬於咩Specialty, 直接關係到你可以擁有幾多個ANZSCO code。(ANZSCO係技術移民職業代碼, 254XXX系列既都係Nursing相關Specialty。詳情去呢度search https://immi.homeaffairs.gov.au/visas/working-in-australia/skill-occupation-list#)多一個code, 入EOI時可以入多一份, 即比人多一次機會!!

（09.06.2022 ADDIT: ANZSCO code係跟reference letter嘅。同一個ANMAC account可以入多於一份reference letter。出嘅code一個等於一份LOD（評估結果）。

如果你有三年抱兩調過唔同specialty但又想計足年資，可以考慮入254499 RN nec（not elsewhere classified）。不過，有啲州嘅優先specialty唔包nec，請自行判斷要邊個code喇。）

ANMAC有三款assessment:

1. Modified Skills Assessment - 已揸AHPRA全個牌既前輩。 2. Modified PLUS Skills Assessment - 未有AHPRA全個牌, 但收到Notice of principle approval (通知你要去澳洲AHPRA office show up個張野)既前輩。 3. Full Skills Assessment - 咩都未做但係揸住香港發出Bachelor of Nursing既前輩。

（09.06.2022 ADDIT:三種assessment詳細點部署可參考小妹IG Post）

留意返據上述官網資料, Nursing School High Dip既前輩係唔可以申請Full Skill Assessment的, 只可以先用香港牌申請AHPRA澳洲牌, 再行1或2路線。 另一方面, 據官網寫Full Skill Assessment既資料, Midwife要係英國美國愛爾蘭讀Bachelor of midwifery+有當地midwife牌先可以申請呢條路。如果唔係都要走而1 或2路線。 網上不少2015-2018年成功189移民的前輩都係路線1。不過當年每部分process time都只要一兩個月。但係今時今日, 你有需求我有需求(落筆時剛聽到ScoMo的香港人歡迎政策, 移民局應該會更人頭湧湧嘞), 時間一不小心來回聽過要半年... 費用方面, 1/2路線價錢一樣(AUD$340), Full Assessment貴少少(AUD$515)。可以同步進行就要盡快喇, Time is Gold喔。

揀好邊條路之後, 

第一步: 係NursingCouncil申請文件時叫佢順手email去ANMAC

上文提到, 用返同一個template改改, 交多一份錢就可以做埋ANMAC申請。ANMAC只要求Verification of Registration(VOR), 所以就係, Verification of Registration(VOR) form AHPRA ANMAC要各一張, ANMAC個張手抄加一句please email to [email protected] 落張form度。佢冇寫必要另一封Certificate of Good Standing(COGS), 但佢網上VOR的定義包含COGS。雖然不需要COGS的話可以唔使寫多封信, 但如果申請係免費既又何樂而不為呢。

（09.06.2022 ADDIT: VOR依家同COGS係同一張嘢 = VOR尾段加一句 COGS就算係。加埋VOP, COGS,依家可以同一張form申請哂，請睇圖：

上圖出處 

同AHPRA同理，申請去ANMAC就叫佢 1）email去[email protected] 2）cc俾自己。 ANMAC唔收信的。

下面template唔知日後仲有冇用，冇就當攝灶罅做時代的眼淚啦。）

COGS申請信以下謹供參考:

Nursing Council Secretariat 1/F, Shun Feng International Centre 182 Queen's Road East Wan Chai Hong Kong [email protected] <date> To whom it may concern, I hereby request the Hong Kong Nursing Council providing assistance in providing the following documents for immigration skill assessment means in Australia: 1. Certificate of Good Standing 2. Verification of Registration (application form has been filled and attached with this letter) Lastly, please enclose the above documents and email soft copy to [email protected] by adress that are not from free web-based email accounts. Please also email the copy of the above documents to me at <email>. Thank you for the gently help. Yours Faithfully, <名+簽隻龜>

第二步: 準備各項文件soft copy Scan copy 時ANMAC有特別要求: 全彩, 解像度600 dpi, 而且要係 .pdf。一般座地offie影印機同部分新枱機已經做到。 文件方面, 三條路要求既文件有啲唔同, 而我係做Full Assessment的所以以此為例:

此處需要強調*****Reference Letter之重要性***** 上面有提到ANMAC會評你屬於咩ANZSCO code, 而佢靠咩評基本80%係靠呢封referenece letter。上面最好要*貼近現實地*寫齊你做咩醫院咩病房/部門(有幾大得幾大), 日常做咩(有咁多skill寫咁多skill, 簡單到用BP機thermometer observe vital sign, essential documentation per each shift到handle emergency/crisis, staff/personnel management都要寫), 接觸咩病人(有咁複雜咁嚴重得咁嚴重), Bed Stat, Turnover rate, occupancy(有幾忙幾爆寫幾爆)等等等等。

一個ANZSCO code一封, 當然內容要夾你code個內容, (唔會寫病房好忙但係申請Community Nurse掛?), 找返當時你既真‧腦細(Supervisor)簽名。 除咗要用official letter head亦要有你老細的聯絡方式(地址電話Email), 詳細要求睇返ANMAC: https://www.anmac.org.au/sites/default/files/documents/SMS_Professional_Reference_Example.pdf 

Template方面一樣請參考Luna姐(https://www.facebook.com/%E8%91%AD%E6%9C%88-424701237667979/)

https://docs.google.com/document/d/1DTR4PA8SnIXeaCzb5EYhVb-xU0beepITIc_lOb3oZWI/edit

(20220926 update - Medical Nurse Reference Letter Template)

(20210402 update - 如果你真係真係好有興趣睇下小妹精神科版Reference Letter係點可以睇呢度既...)

（26.09.2022 ADDIT: 同一個ANMAC account可以入多於一份reference letter。一個account只會出一份LOD（評估結果），通常係最長年資嗰個。如果你有三年抱兩調過唔同specialty但又想計足年資，可以考慮入RN nec 254499（not elsewhere classified）。不過，有啲州嘅優先specialty唔包nec，請自行判斷要邊個code喇。

如果想要多於一個code，最好開多一個account，交多一份錢。

ANMAC最近嘅政策最多只可以申請兩個code。而ANMAC一打你資料就會找到你一共有幾多個申請，最近有人試過查到，回覆自動取消咗佢第三個code嘅申請。）

(Full Assessment 先關事) Training institute方面, 上文提到email school既時候叫佢比copy你留底, 依家就係用個份copy scan去upload 比ANMAC。

第三步: 登記ANMAC account upload文件 https://www.anmac.org.au/user/login Upload文件時記得禁save, 連隨用信用卡科埋水。建議多一個ANZSCO code就開多一個account以免混亂嘞。

到有Case Officer接手既時候會email你需唔需要補文件。搞掂哂佢就會email Letter of Determination (LOD)比你, 揸住佢就可以入EOI 啦!