#2g2bt

Gabing-gabi na pero hindi pa rin umuuwi si Eloy sa bahay nila. Nagkasundo kasi sina Ali at Eloy na sasabayang magtrabaho ni Eloy si Ali habang ito ay nag-aaral para sa return demo nito.

Panandaliang nagpahinga si Eloy matapos niyang tumitig nang matagal sa screen ng laptop niya. Ilang beses siyang nagpakurap-kurap. Pasimple siyang tumingin sa gawi ni Ali.

May suot siyang headband para hindi maging distraction ang buhok niya habang nag-aaral. Nakakunot din ang noo niya habang binabasa ang makapal niyang libro. Halata ni Eloy ang pagod nito dahil sa pagpatong nito ng ulo sa kamay.

Inusisa na ni Eloy ang skin care cabinet ni Ali. Naghugas muna siya ng kamay saka nagbasa ng pamunas. Dinala niya ang mga gamit niya saka tumabi kay Ali.

"Coach." Agad na binaling ni Ali ang atensyon niya kay Eloy. Kumunot ang noo nito.

"Ano 'yan, Coach?"

Dahan-dahang hinawakan ni Eloy ang mukha ni Ali saka ito nilapit sa kanya. "Gabi na kasi. Hindi pwedeng mapabayaan mo ang sarili mo habang nag-aaral ka. Ako na bahala sa eight-step skin care routine mo. Ituloy mo lang 'yang pag-aaral mo d'yan, Coach."

"Papsikel!" excited na sigaw ni Tox sa labas. Dala-dala niya ang nilabhang toga ni Red habang tumatakbo papunta sa kanya.

Sinalubong ni Red ang malawak na ngiti ni Tox. Hindi mapigilan ni Red ang matawa kasi mas matangkad pa yata ang toga nito kaysa kay Tox. "Ito na yung toga mo, Paps!" tuwang-tuwang inabot ni Tox ang toga kay Red. "O, bakit ka tumatawa d'yan?"

Kinuha ni Red ang toga saka tinabi ito kay Tox. Sama-sama namang nagsitawanan sina Lola Heart, Mang Ben, Tay Fred, Daddy Ays, at Eloy. Mabilis na sinuway ni Tox si Red. "Papsikel naman e!"

Swabeng hinuli ni Red ang kamay ni Tox saka pinulupot ito sa katawan niya saka siya yinakap. Nako, kung hindi lang siguro niya mahal 'tong taong 'to, baka kung ano na nagawa ni Tox dito!

"E kasi naman, anak! Mukhang mas masaya ka pa d'yan kay Red e," hirit ni Mang Ben.

"Kaya nga, Tox! Ikaw ba ga-graduate?" dagdag pa ni Daddy Ays.

"Asuuus!" Kinurot ni Lola Heart si Tox sa kanyang tagiliran. "Hayaan niyo na 'tong si Concepcion. Halata namang proud na proud lang siya kay Red e."

Kunot na naman ang noo ni Tox kay Lola Heart. "Tox nga po!"

Habang abala pa si Tox sa pagdadabog, bigla siyang hinigit ni Red sa gilid kaya nakuha ulit nito ang atensyon niya. "Totoo ba 'yon? Proud ka sa akin?"

Mayroong hiwaga sa mga mata ni Red na hindi niya maipaliwanag. Na sa tuwing titingnan siya nito, siya lang ang nakikita nito. Tila naglalaho ang ibang tao sa paligid. Tila may sarili silang mundo.

Nadatnan ni Red si Tox na nakatulala sa kompyuter kaya sinilip niya ito. "Hoy! Ano 'yan, ha?" panggugulat niya sa dalaga.

Epektibo naman ang panggugulat niya rito at bigla na lang nito tinanggal ang tinititigan sa desktop. Pero alisto ang mata ni Red. Nakita at nabasa niya ang pangalan ng website na kanina pa tinititigan ni Tox.

"Papsikel naman e! Bakit ka ba nanggugulat, ha?!" inis na tanong ni Tox.

Hindi mapigilan ni Red ang mapangiti sa kanya. Nakakunot na naman ang noo ni Tox pero gandang-ganda pa rin siya rito. "Kita ko 'yon."

Natanggalan agad ng angas si Tox sa sinabi ni Red, lalo na sa ngiti niya. Bakit naman kasi siya ngingiti ng gano'n sa kanya? Alam na alam niya kung paano paamuhin ito.

"Gusto mong bumalik sa pag-aaral?" tanong ni Red sa kanya.

Napakamot na lang sa ulo si Tox. "Eh kasi, Paps, naalala mo yung kinailangan ni Eloy ng tulong sa kausap niyang Hapon?" Tumango siya. "Grabe 'yong kaba ko no'n, Paps! Wala kasi kayo ni Daddy Ays e. Pero pagkatapos no'n, sobrang sarap sa pakiramdam kasi nakatulong ako kay Eloy e."

"Si Eloy na naman..." dismayadong sabi ni Red.

"Teka lang naman, Paps! Ito, nagseselos agad e." Inabot ni Tox ang kamay ni Red. "Alam mo, tuwing nakikita kitang nag-aaral, proud na proud ako sa 'yo. Kaya ayun, naisip ko na kapag nakikita mo ako, gusto ko maipagmamalaki mo rin ako. Gusto ko, ako rin, may maipagmamalaki ako."

Mula sa pagkakasimangot ng mukha ni Red ay unti-unti itong nagliwanag. Hinigpitan pa niya ang hawak sa kamay ni Tox saka inurong papalapit ang upuan kay Tox. "Patingin nga. Anong balak mong kunin sa college?"

Binuksan na ulit ni Tox ang browser niya saka ipinakita kay Red ang website. "Iniisip ko kasi kung kakayanin ko yung BA International Studies. Kaso hindi ko pa alam kung aling major ang kukunin ko."

Pagkarating namin sa Purok Onse, agad na sinabi ni Lola Heart sa namamasada, “Dito na lang.” Pagkahinto nito, saka kami nagpasalamat kay kuya.

Ahh, nagbabalik na ang pinakagwapong blondie ng Purok Onse!

Binalik ko ang tingin ko kay Lola Heart. “Lola Heart, salamat ah? Hindi niyo ako pinabayaan.” Kadiri, pero totoo naman ‘yon. Hindi ako sanay na ganito pa-sweet kahit kay Lola Heart kaya dinagdagan ko ng biro, “Alam ko naman na… mahal niyo ako eh.”

Pabiro niya akong sinampal sa mukha. “Hanggang ngayon, nagdududa ka pa rin?! Samantalang nung bata ka pa, nung tinuli ka, ako ang naglalanggas ng ano mo—”

Pinigilan ko si Lola Heart sa sasabihin niya dahil sa lakas ng boses niya. Tila namula ang mga pisngi ko dahil paniguradong rinig na rinig ‘yon ng mga kapitbahay namin. “H’wag kang maingay! Nakakahiya!” I hissed.

Nanatili ang tono niyang pagalit. “Basta ikaw! H’wag kang aako-ako ng kasalanan nang may kasalanan!” patuloy na parangal niya sa akin. “Nako! Tumaas ang dugo ko sa ‘yo!”

Hindi ko mapigilang ngumisi dahil sa mga parangal ni Lola Heart sa akin. Kahit hindi ko siya kadugo, ramdam ko ang pagmamahal niya sa akin bilang apo. Kaya naman agad ko siyang nilambing, “Sorry na, ‘La.”

“H’wag mo nang uulitin ‘yon, ha?” bilin niya sa akin.

Syempre, um-oo na lang ako kasi baka mas uminit pa ang ulo niya sa akin. Pero kung tatanungin man ako kung uulitin ko yung ginawa ko para kay Eloy… sasabihin kong oo. Para ko na ring kapatid si Eloy eh. Sa lahat ng pagkakataong kinailangan ko ng tulong, sinalo niya ako. Kaya ganun din ang gagawin ko sa kanya. Kahit paulit-ulit ko pang gawin ‘yon.

Habang pinapagalitan ako ni Lola Heart, naaninag ko si Daddy Ays na suot ang isa sa mga paborito niyang red polo shirt. Masaya niya akong binati saka nakipagkamay.

Kaunting lingon ko lang sa kanan ay nakita ko si Tox. Ewan ko kung bakit nung si Tox na yung nakikita ko, biglang bumagal ang ikot ng mundo. Hindi nagbago ang itsura niya. Ganun pa rin—maikli pa rin ang buhok niya, may maliit na nakatali sa tuktok niya. Ganun pa rin ang kulay ng buhok niya—black sa roots pero blonde sa may tips—tulad ng akin.

Unti-unting nagliwanag ang mukha niya nang makita niya ako. Malaki ang ngiti niya habang tumatakbo papalapit sa akin. Rinig ko ang bigat ng tibok ng puso ko sa bawat hakbang niya papalapit sa akin.

Tama bang nararamdaman ko ‘to sa tropa ko? O baka conscious lang ako kasi alam kong crush niya ako?

Sa pagyakap niya sa akin nang mahigpit, para bang nagkaroon ng sariling utak ang mga braso ko dahil agad ko rin siyang niyakap. Sa liit niyang ‘to, pwedeng-pwede kong isandal ang ulo ko sa ulo niya.

Sa ikli ng braso niya, kinailangan niya akong yakapin gamit ang dalawang kamay niya para mayakap ako nang buo. Samantalang kasyang-kasya na siya sa isang kamay ko pa lang, pero hinayaan ko na lang din yung isa kong kamay na yakapin siya.

Hinayaan kong tumagal ang yakap naming dalawa dahil… basta! Eh kasi… baka na-miss niya ang crush niya, ‘di ba?

Abala ako sa pagtapos ng last batch ng labahan nang marinig ko na naman ang boses niya. "Concepcion!"

Padabog kong sinara ang washing machine. Kunot-noo ko siyang hinarap. "Tox nga kasi!" Alam naman niyang ayaw kong tinatawag akong Concepcion e!

Ayan na naman yung peste niyang ngisi. Talagang tuwang-tuwa 'tong mokong na 'to kapag naaasar niya ako e.

"Ano na naman bang ginagawa mo rito? Kitang may trabaho pa ako e." Pinahalata ko talagang bwiset ako sa kanya para tuluyan na siyang umalis. Hindi ko na nga madalas makita si Eloy, araw-araw pa ako naiirita sa pagmumukha ni Red.

"Hindi pa ba tapos 'yan?"

"Matagal pa 'to," pagsisinungaling ko para tuluyan na siyang umalis.

"Hintayin na lang kita rito."

Akmang uupo siya sa tinatambayan kong upuan pero mabilis ko siyang pinigilan. "Ep, ep, ep! Bakit ka ba kasi nangungulit dito? Wala ba si Daddy Ays?"

Tinuro niya yung computer shop. "Nandoon, pero puno kasi ngayon e. Aayain ko pa sana kumain. Kaya ikaw na lang!" Ngumiti na naman siya ng malawak.

Pinanliitan ko siya ng mata. "Libre mo?"

Napalitan ang malawak niyang ngiti ng nagpipigil na ngiti. Ang labo. Tiningnan niya ako kung paano tingnan ni Eloy si Nurse Pabida. Tumango siya sa akin saka sabi ng, "Basta ikaw." Mabilis akong napangiti sa pagpayag niya.

Hindi ko mapaliwanag yung naramdaman ko nang masilayan ko ang ngiti niya habang tinitingnan ako. Kaya imbes na isipin 'yon ay bumalik na ako sa trabaho ko para matapos ko na ang last batch. Sayang din 'yong libre ni Red.

"Aba, himala! Anong nakain mo ngayon, Red?" Sinubukan ko siyang asarin para hindi ko na tuluyang isipin yung tingin na 'yon.

"Wala. Gusto lang kita makasama."

Napalingon ako sa kanya. "Ha?"

"Makasamang kumain," mabilis niyang sagot. "Mas masarap kasi kumain kapag may kasama e." Napakamot siya sa ulo niya. "Matagal ka pa ba d'yan? Gutom na 'ko."

"Ito na nga o. Patapos na," sabi ko habang nilalagay sa tamang lagayan yung last batch. Nang matapos ako ay binalikan ko siya sa labas. "Ano, tara na?"

Lumiwanag muli ang kanyang mukha. Mabilis niyang kinuha ang pulsuhan ko at hinigit palayo sa trabaho ko. Habang hawak-hawak niya ang pulsuhan ko, naramdaman kong pumupulupot ang tiyan ko.